لە نێو هێزێکی ئەمنی لە هەڵەبجە شەڕ دروست دەبێت و بریندار هەیە

ئاڤا نیوز

ئێوارەی ئەمڕۆ لە پارێزگای هەڵەبجە، شەڕ و دەمەقاڵێ لەنێوان دوو پۆلیسدا دروست بوو کە بەهۆیەوە یەکێکیان تەقەی کرد و دوو کەسی بریندار کرد.

زانیاریی ئاڤا: ئاڤا لە سەرچاوەیەکی ئاگادارەوە لە بنکەی پۆلیسی هەڵەبجە زانیویەتیی کە "دوو پۆلیسی بەڕێوەبەرایەتیی بەرگری و فریاکەوتن کە هاوڕێی یەکن، لەسەر وەرگرتنی مۆڵەت دەمەقاڵێیان بووە و یەکێکیان تەقەی کردووە و دوو کەسی بە سووکی بریندار کردووە."

ئەوەی پێویستە بیزانیت: سەرچاوەکەی ئاڤا ئاشکرای کردووە،  "سەرباری تەقەکە و برینداربوونی دوو کەس، هیچکام لە پۆلیسەکان سکاڵایان لە دژی یەکتر تۆمار نەکردووە."