لە سۆران 60 دۆنم زەوی دابین کراوە بۆ ئەوەی بەسەر فەرمانبەران دابەش بکرێت

ئاڤا نیوز

 

لە سنووری شارەوانیی ئیدارەی سۆران 60 دۆنم زەوی دابین كراوە بەمەبەستی دابەشكردنی بەسەر ئەو فەرمانبەرانەی كە مەرجەكانی وەرگرتنی پارچەزەوی دەیانگرێتەوە، بەڵام بەهۆی گرفتی زەویوزار نەتوانراوە پرۆسەكە جێبەجێ بکرێت.

 

چیرۆكی سەرەكی: پرۆسەی دابەش كردنی زەوی بەسەر فەرمانبەران و كارمەندانی ئەمنی و خانەنشینان لە هەرێمی كوردستان دەستیپێكردووە و لە سنووری شارەوانییەكان چووەتە قۆناغی جێبەجێكردن، بەڵام لە سنووری ئیدارەی سۆران، بەهۆی بوونی كێشەی موڵكداری بەتایبەت لەسەر زەوییە كشتوكاڵییەكان، پرۆسەكەی دواخستووە و تا ئێستاش نەتوانراوە ئەو بەربەستە بەتەواوی چارەسەر بكرێت.

 

لێدوانی فەرمی: بژار سەعید، سەرۆكی شارەوانیی ئیدارەی سۆران ڕایگەیاند، دوای كۆبوونەوە لەگەڵ لایەنە پەیوەندیدارەكان، كار بۆ چارەسەركردنی كێشەی زەویوزار و موڵكداریەتیی ئەو زەوییانە دەكەین، ئەگەر چارەسەر نەكرا بیر لەڕێگەی دیكە دەكەینەوە.

 

زانیاریی زیاتر: شارەوانیی ئیدارەی سۆران، ئێستا بە هەماهەنگی لەگەڵ سەرپەرشتیاری ئیدارەی سۆران و دەزگا ئەمنییەكان، سەرقاڵی لابردنی دیاردەی زێدەڕۆییە لەسەر موڵك و ماڵی گشتی، كە ئەو ڕێكارەش زەویی پێویست بۆ دابەش كردنی بەسەر فەرمانبەران فەراهەم دەكات.