هەسەدە هەڵمەتێکی فراوان دژی داعش لە حەسەکە دەست پێ دەکات؛ قەدەغەی هاتووچۆ ڕادەگەیێنرێت

ئاڤا نیوز

هێزەکانی سوریای دیموکرات (هەسەدە)، بەهاوبەشی لەگەڵ هێزەکانی ئاسایشی ناوخۆ و یەکینەکانی پاراستنی ژنان، هەڵمەتێکی سەربازی و ئەمنیی بەرفراوانیان لە دژی چەکدارانی داعش شاری حەسەکە و دەوروبەری دەستپێکردووە.

 

وێنە گەورەکە: دوای دەستبەسەرداگرتنی چەندین شار لە سووریا و عێراق لە ساڵی 2014، ڕێکخراوی داعش لە سووریا لە ساڵی 2019 تێکشکێنرا، بەڵام شانە نوستووەکانی پاشەکشەیان کردووە بۆ بیابانەکان، لەوێش بەردەوامن لە ئەنجامدانی هێرشی ناوبەناو هێزە ئەمنییەکان و هاووڵاتییانی سڤیل دەکەنە ئامانج.

 

هۆکارە زانراوەکان: ئامانج لەم هەڵمەتە، وەک هەسەدە ڕایگەیاندووە، لەناوبردنی شانە و حەشارگەکانی ڕێکخراوی تیرۆریستیی داعش و ڕاوەدوونانی پاشماوەی ڕێکخراوەکە و لەناوبردنی شانە نووستووەکان و چالاکەکانە.

 

شێوازی جێبەجێکردن: لە چوارچێوەی هەڵمەتەکەدا، قەدەغەی هاتووچۆ لە تەواوی شارەکەدا ڕاگەیێنراوە و دەروازەکانی هاتنەژوورەوە و چوونەدەرەوەی شارەکە داخراون، لەگەڵ بڵاوبوونەوەیەکی بەرفراوانی هێزە ئەمنییەکان.

 

لەهەمان کاتدا: هەسەدە جەختی لەوە کردووەتەوە کە پاراستنی گیانی هاووڵاتیانی مەدەنی لە پێشینەی کارەکانیاندایە و داوای لە دانیشتووانی حەسەکە کردووە کە هاوکاریی تەواویان بکەن و زانیاریی لەبارەی هەر چالاکییەکی گوماناوی بە هێزە ئەمنییەکان ڕابگەیەنن.