بەفربارین لە شاخەكانی هەرێمی كوردستان دەستی پێكرد

ئاڤا نیوز

 

لە بەرەبەیانیی ئەمڕۆ شەممەوە بەفربارین لە چەند ناوچەیەكی شاخاویی هەرێمی كوردستان دەستی پێكردووە و لە ناوچە شاخاوییەكانی سنووری سۆران و ئامێدیش چڕیی شەپۆلی بەفربارینەكە زیاترە.

 

وێنە گەورەکە: یەکەمین شەپۆڵی بەفربارینی ئەمساڵ لە ناوچە شاخاوییەکانی سنووری ئیدارەی سەربەخۆی سۆران دەستیپێکرد، شاخەكانی مامەڕووت، حەسەن بەگ، هەڵگورد و هاوینەهەواری پرژێی باڵەكایەتی گرتووەتەوە.

 

زانیاریی پەیامنێر: هاوار عەباس، پەیامنێری ئاڤا میدیا لە سۆران ڕایگەیاند:  لە کاتژمێر چواری بەرەبەیانی ئەمڕۆ 15-11-2025 لەناوچە شاخاوییەکانی سنووری ئیدارەی سەربەخۆی سۆران بەفربارین دەستیپێکرد، بڕ و ڕێژەكەی تاوەكوو ئێستا نێوان 5-7 سانتیمەترە، ئەمە لەکاتێکدایە ساڵی ڕابردوو یەکەمین شەپۆڵی بەفربارین لە کۆتایی مانگی 10دەستیپێکرد.

 

لەلایەکی دیکەوە: بەهەمان شێوە لەبەرەبەیانەوە بەفربارین لە ناوچە شاخاوییەکانی قەزای ئامێدیی لە سنووری پارێزگای دهۆک دەستیپێکردووە.