سبەی لە سێ قەزای سنووری سۆران پشووی فەرمی دەبێت

ئاڤا نیوز

بەهۆی دابەزینی پلەکانی گەرما و ناسەقامگیریی کەشوهەوا، ئیدارەی سەربەخۆیی سۆران دەوامی دام و دەزگا حکومییەکانی سێ قەزای سنوورەکەی کرد بە پشوو.

 

چیرۆکی سەرەکی: چەند ڕۆژێکە شەپۆلێکی بەفر و باران ناوچە جیاوازەکانی هەرێمی کوردستانی گرتووەتەوە، لە ناوچە سنوورییەکان بەهۆی دابەزینی پلەکانی گەرما و بەستەڵەک و بەفر، ئاستەنگی بۆ هاووڵاتیان دروستکردووە و ناتوانن بە ئاسانی هاتوچۆ بکەن.

 

لێدوانی فەرمی: هەژار حەکیم، بەرپرسی ڕاگەیاندن و پەیوەندییەکان ئیدارەی سەربەخۆی سۆران، بە ئاڤای گوت، بەهۆی دابەزینی پلەکانی گەرما بۆ ژێر سفر مەترسی لەسەر ژیانی فەرمانبەران و کارمەندانی دەزگا حکومیەکان هەیە، ڕۆژی یەکشەممە 04-01-2026، لە هەر سێ قەزاکانی (مێرگەسۆر، چۆمان و سیدەکان) لە هەموو دەزگا حکومیەکان پشوو دەبێت، جگە لە دەزگا خزمەتگوزاریی و ئاڵوگۆڕییەکان."

 

لەلایەکی دیکەوە: ڕۆژی یەکشەممە، دەوامی فەرمی دام و دەزگاکانی حکومەت دەستپێدەکاتەوە، وەزارەتی پەروەردەی حکومەتی هەرێمی کوردستان، بەڕێوەبەرایەتییەکانی پەروەردەی سەرپشک کردووە لەوەی بڕیاریی پشوو ڕابگەیەنن ئەگەر پێویست بێت.