باڵیۆزخانەی ئەمریکا لە بەغدا: هەل درا بە مادورۆ بەڵام لە دەستی دا

ئاڤا نیوز

باڵیۆزخانەی ئەمریکا لە بەغدا ڕایدەگەیێنێت، ئیدارەی دۆناڵد ترەمپ هەمیشە و لە بەرامبەر هەموو هەڕەشە ناوخۆیی و دەرەکییەکاندا بەرگری لە هاووڵاتییانی خۆی دەکات، ئاماژەی بەوەش دەدات کە نیکۆلاس مادورۆ هەلەکەی لەدەستداوە.

 

لێدوانی فەرمی: باڵیۆزخانەکە لە هەژماری فەرمی خۆی لە تۆڕی کۆمەڵایەتی "ئێکس" بڵاوی کردەوە: "هەلی پێویست بە نیکۆلاس مادورۆ درا، بەڵام ئەو هەلەکەی لەدەستدا." 

 

هەر لەو چوارچێوەیەدا، باڵیۆزخانەی ئەمریکا ڤیدیۆیەکی بڵاوکراوەی کۆشکی سپی هاوبەش کردووە، کە تێیدا دیمەنی لێدوانەکانی نیکۆلاس مادورۆ و ئۆپەراسیۆنی دابەزینی هێزە تایبەتەکانی ئەمریکا "دەلتا فۆرس" بۆ دەستگیرکردنی نیشان دەدات.

 

باکگراوند: نیکۆلاس مادۆرۆ، سەرۆکی فەنزوێلا، و خێزانەکەی لەلایەن هێزە تایبەتەکانی ئەمریکاوە لە ئۆپەراسیۆنێکی ئاسمانیدا دەستگیرکرا، ئەمەش دوای ساڵانێک لە گرژیی سیاسی و سزای ئابووریی تووند کە لەلایەن واشنتنەوە بەسەر ئەو وڵاتەدا سەپێنرابوو.