سەرەتای هەفتەی داهاتوو بارانبارین دەستپێدەکاتەوە

ئاڤا نیوز 

 

بەپێی پێشبینییەکان، سەرەتای هەفتەی داهاتوو شەپۆلێکی دیکەی بارانبارین هەرێمی کوردستان و ناوچەکە دەگرێتەوە. ئەگەری دروستبوونی لافاویشی لە هەندێک ناوچە دەبێت.

 

لێدوانی فەرمی: شێخ دارا، شارەزا و پێشکەشکاری کەشوهەوای ئاڤا ڕایگەیاند، ئەمڕۆ بەراورد بە ڕۆژانی ڕابردوو پلەی گەرما یەک تا دوو پلەی سیلیزی بەرزبوونەوە، تاوەکو کۆتایی هەفتە هەور دروست دەبێت، بەڵام ئەگەری بارانبارین لاوازە.

 

- لە ڕۆژی هەینی کاریگەریی شەپۆلی دەریای سپیی ناوەڕاست دەگاتە ناوچەکە و سەرەتای هەفتە بارانبارین بۆ سەر هەرێمی کوردستان دەستپێدەکاتەوە، ئەگەرێکی لاوازیش هەیە کە لە هەندێک ناوچە لافاو دروست ببێت.

 

زانیاریی زیاتر: بەوتەی شێخ دارا لە پارێزگای سلێمانی، قەزای چوارتا زۆرترین ڕێژەی بارانی لێ باریوە کە 708 ملیم بووە، بەڵام پار ساڵ 340 ملیم بارانی لێ باری بوو، دواتر بەرزنجە دێت کە 638 ملیم بووە، بەڵام پار ساڵ 280 ملیم بارانی لێ باریوە. دوای ئەویش قەرەداخ دێت کە ئەمساڵ 672 ملیم بووە و ساڵی ڕابردوو 300 ملیم بارانی لێ باریوە.

 

ئەوەی پێویستە بیزانیت: پلەکانی گەرمای ئەمڕۆی شارەکان و ئیدارە سەربەخۆکانی هەرێمی کوردستان بەم شێوەیە بووە:

هەولێر: بەرزترین 12 پلە و نزمترین 3 پلە.
سلێمانی: بەرزترین 10 پلە و نزمترین 2 پلە ژێر سفر.
کەرکووک: بەرزترین 11 پلە و نزمترین 1 پلە.
دهۆک: بەرزترین 4 پلە و نزمترین 5 پلەی ژێر سفر.
هەڵەبجە: بەرزترین 5 پلە و نزمترین 2 پلە.
ئیدارەی زاخۆ: بەرزترین 8 پلە و نزمترین 4 پلە.
ئیدارەی ڕاپەڕین: بەرزترین 8 پلە و نزمترین 1 پلەی ژێر سفر.
ئیدارەی سۆران: بەرزترین 4 پلە و نزمترین 7 پلەی ژێر سفر.
گەرمیان: بەرزترین 12 پلە و نزمترین 2 پلە.