پلەکانی گەرما بەرز دەبنەوە

ئاڤا نیوز

بەهۆی چەند شەپۆڵێکی بەفروبارانبارین کە ماوەی 10 ڕۆژە شار و شارۆچکەکانی هەرێمی کوردستانی گرتبووەوە، پلەکانی گەرما لەناوچە شاخاوییەکان بۆ ژێر سفر و لەناو شارەکان بۆ نزیک لە سفر دابەزیبوون، لە ئەمڕۆوە پلەکانی گەرما بەرز دەبنەوە.

ڕاگەیێنراوی فەرمی: بەڕێوەبەرایەتی گشتیی کەشناسی و بوومەلەرزەزانی هەرێمی کوردستان، ڕەوشی کەشوهەوا و پلەکانی گەرمای پێشبینیکراوی بڵاوکردەوە و تێیدا هاتووە؛ ئاسمانی هەرێمی کوردستان بەگشتی لەنێوان تەنکە هەوری بەرز و نیمچە هەور دەبێت.

زانیاریی زیاتر: لەبارەی پلەکانی گەرمای ئەمڕۆ دووشەممە 5-1-2026، کەشناسی هەرێمی کوردستان ڕایگەیاند؛ بەشێوەیەکی گشتی پلەکانی گەرما لەنێوان 2-4 پلەی سیلیزی بەراورد بە پلەکانی دوێنێ بەرز دەبێتەوە، بەرزترین پلەکانی گەرمای پێشبینیکراو بەمشێوەیە:

هەولێر: 13پلەی سیلیزی
پیرمام: 12پلەی سیلیزی
سۆران: 9 پلەی سیلیزی
حاجی ئۆمەران: 2 پلەی سیلیزی
سلێمانی: 12 پلەی سیلیزی
چەمچەماڵ: 13 پلەی سیلیزی
دهۆک: 11 پلەی سیلیزی
زاخۆ: 11 پلەی سیلیزی
کەرکوک: 14 پلەی سیلیزی
هەڵەبجە: 12 پلەی سیلیزی
گەرمیان: 14  پلەی سیلیزی

لەلایەکی دیکەوە: شێخ دارا، شارەزای کەشناسی و پێشکەشکاری کەشوهەوای ئاڤا ڕایگەیاند، لە ڕۆژانی داهاتوو لەگەڵ ئەوەی پلەکانی گەرما دوو پلە بەزر دەبنەوە، بەڵام لەشەواندا کەشوهەوا هەر سارد دەبێت، بەستەڵەکی ڕێگاکان دەتوێنەوە، جگە لە ناوچە شاخاوییەکان کە بەستەڵەک و تەمومژ هەر دەمێنێتەوە، هەتا کۆتایی هەفتە ئەگەری بارانبارین لاوازە، لە ڕۆژی هەینی بارانبارین دەست پێدەکاتەوە.