پەیامێک لە گوتەبێژی حکومەتەوە لەبارەی نەناردنی مووچە لەلایەن بەغدا
- هەواڵ
- 29 کانوونی دووەم

پێشەوا هەورامانی، گوتەبێژی حکومەتی هەرێمی کوردستان،
ئاڤا دیجیتاڵ
گوتەبێژی حکومەتی هەرێمی کوردستان لەبارەی پرسی مووچە و نەناردنی پارە لەلایەن بەغداوە پرسیار دەکات: ئایا ئەم شەفافیەت و روونکردنەوەیەی لە ئێمەیان دەوێت لای ئەوان هەیە؟ جەختیش دەکاتەوە ئەگەر بابەتەکە گەندەڵییە، دەبوو مووچەی خەڵکی هەموو پارێزگاکانی عێراق رابگیرایە نەوەک تەنها هەرێمی کوردستان.
چیرۆکی سەرەکی: پێشەوا هەورامانی، گوتەبێژی حکومەتی هەرێمی کوردستان، پەیامێکی لەبارەی نەناردنی مووچە لەلایەن بەغدا بڵاوکردووەتەوە و تێیدا چەند بابەتێک دەوروژێنێت، سەرەتای پەیامەکەشی بە پرسیارێک دەستپێکردووە: ئایا کەس لیستی ئەو گرووپە میلیشیایانەی لایە کە هەرێمی کوردستان بۆردوومان دەکەن؟
لێدوانی فەرمی: پێشەوا هەورامانی لە پەیامەکەیدا دەڵێت: "لەوەتەی دروستبوونی کێشەکان لەسەر مووچەی فەرمانبەرانی هەرێمی کوردستان هەر رۆژە و بابەتێکی تازە دەخرێتە بەردەم حکومەتی هەرێمی کوردستان بە مەرجی ناردنی مووچە و مافی خەڵک، لەکاتێکدا ئێمە روون و ئاشکرا هەموو شتێکمان پێشکەشی حکومەتی فیدراڵ کردووە!".
زانیاری زیاتر: گوتەبێژی حکومەت لە پەیامەکەیدا کە رووی لە حکومەتی عێراقە، دوای وروژاندنی پرسیارێک: ئایا ئەم شەفافیەت و تەوزیحەی لە ئێمەیان دەوێت لای ئەوان هەیە؟ بە پشتبەستن بە چەند سەرچاوەیەکی هەواڵی باوەڕپێکراو، ئاماژەی بە بەهەدەردانی پارەیەکی زۆر کردووە و نووسیویەتی: گەڕانێکی سادە لە چوار هەواڵی بڵاوکراوەی ژمارەیەک سەرچاوەی میدیایی باوەڕپێکراو:
ئەلجەزیرە: 20%ی پارەی مووچەی عێراق بۆ مووچەخۆری وەهمی دەڕوات کە نزیکی 10 ملیار دۆلاری ساڵانەیە و زیاترە لە مووچەی هەموو مووچەخۆرانی هەرێمی کوردستان.
ئەلحوڕە: 300 ملیار دۆلار لە عێراق بۆ پڕۆژە و مووچەی وەهمی خەرجکراوە.
ئەلبەغداد ئەلیەوم: لە لیستی خانەنشینانی عێراقدا 22 هەزار مووچەخۆری وەهمی هەن کە 800 ملیار دینار لە خەزێنەی عێراق دەبەن.
بی بی سی: ساڵی 2014 حکومەتی عێراق خۆی دانی بەوەدا ناوە کە 50 هەزار سەربازی وەهمی مووچە لە خەزێنەی عێراق وەردەگرن، وەهمی نەک بندیوار!
پێشەوا هەورامانی لە کۆتایی پەیامەکەیدا دەڵێت: "ئەگەر بابەتەکە گەندەڵییە، دەبوو مووچەی خەڵکی هەموو پارێزگاکانی عێراق رابگیرایە، نەک وەکو ئەوەی هەندێک موراهیقی سیاسی ناوخۆیی دەڵێن لەبەر خاتری شەریف ناوێک گەلێک لە کوردستان برسیکراوە!".

ئاڤا دیجیتاڵ
Editor
دوایین هەواڵەکان
- جیهان
- 2 کاتژمێر لەمەوپێش
ئەمریکا: لەگەڵ ڕووسیا ڕێککەوتین
- بزنس
- 3 کاتژمێر لەمەوپێش
کێشەی خەرجیی فەرمانگەکانی حکومەت و بەڵێندەران چارەسەر دەکرێت
- تەندروستی
- 4 کاتژمێر لەمەوپێش
عێراق بڕی پێویستیی ساڵانەی دەرمان بۆ هەرێمی كوردستان نانێرێت
هەڵبژاردەکان بۆ تۆ
وڵاتێکی ئەفریقی سەرۆك و جێگر و زۆربەی وەزیرانی ئافرەتن
24 ئازار
بەڕێوەبەری کشتوکاڵی هەولێر: لە نزیکترین کاتدا نرخی تەماتە دادەبەزێت
24 ئازار
کەشوهەوای ڕۆژانی جەژنی ڕەمەزان چۆن دەبێت؟
23 ئازار
کیلۆیەک هەڵوژە لە عەلوەی هەولێر بە 130 هەزار دینارە
23 ئازار
تەنیا لە مانگی دووی ئەمساڵ نزیکەی 6 هەزار و 400 حاڵەتی جیابوونەوە تۆمارکراون
23 ئازار
- هەواڵ
- 12 کاتژمێر لەمەوپێش
لە عێراق پێنج ڕۆژ پشووی فەرمی ڕاگەیێنرا