قەتەر: هاوبەشیمان لە پڕۆژەکانی غازی عێراق و هەرێمی کوردستان دەوێت

ئاڤا نیوز

 

بەمەبەستی باشترکردنی پەیوەندییەکانی لەگەڵ هەرێمی کوردستان، قەتەر کۆنسوڵخانەی لە هەولێر کردەوە. 

 

بۆچی گرنگە: کردنەوەی کۆنسوڵخانە، پەیوەندییەکانی نێوان هەولێر و دەوحە دەباتە قۆناغێکی نوێ و پەرە بە هەماهەنگییەکانی نێوانیان دەدات لە بوارە سیاسی، ئابووری و کولتوورییەکان. 

 

لێدوانی فەرمی: د. ئەحمەد بن حەسن حمادی، ئەمینداری گشتیی وەزارەتی دەرەوەی قەتەرە، ڕایگەیاند "کردنەوەی کونسوڵخانەمان هاوئاڕاستەیە لەگەڵ سیاسەتی وڵاتەکەم بۆ زیادکردنی وەبەرهێنان لە هەرێمی کوردستان و عێراق کە هەلی کار بۆ هەزاران گەنجی عێراق و هەرێمی کوردستان دەڕەخسێت".

 

لە لایەکی دیکەوە: قەتەر لەگەڵ بەرپرسانی هەرێمی کوردستان سەبارەت بە وەبەرهێنانی نەوت و گاز، کشتوکاڵ و بوارەکانی دیکە گفتوگۆی کردووە. 

 

زانیاریی زیاتر: حوزەیرانی پارساڵ، شێخ تەمیم حەمەد ئال سانی، ئەمیری قەتەر، سەردانی عێراقی کرد و چەند یاداشتێکی لە بوارەکانی وزە و وەبەرهێنان لەگەڵ عێراق واژۆ کرد. 

 

ئەوەی پێویستە بیزانیت: قەتەر یەکێکە لەو دەوڵەتانەی بەشدارە لە 'پڕۆژەی ڕێگەی گەشەپێدان' کە بە هەرێمی کوردستاندا تێدەپەڕێت.