د. ئومێد سەباح: بەغدا بە بیانووی نەبوونی پارەی کاش مووچەی مانگی نۆی نەناردووە

ئاڤا نیوز

سەرۆکی دیوانی ئەنجوومەنی وەزیران دەڵێت: هەرێمی کوردستان سەرجەم پابەندییەکانی خۆی جێبەجێکردووە، بەڵام بەغدا بە بیانووی نەبوونی پارەی کاش مووچەی مانگی نۆی نەناردووە.

وێنە گەورەکە: مووچەخۆرانی کوردستان دوو مووچە لەدوای مووچەخۆرانی عێراقەوەن و ئێستا بەغدا دەستیکردووە بە دابەشکردنی مووچەی مانگی 11ـی مووچەخۆرانی خۆی، بەڵام هێشتا مووچەی مانگی 9ـی مووچەخۆرانی کوردستانی نەناردووە، ئێستا هەوڵەکانی حکومەتی کوردستان بۆ ئەوەیە هیچ مووچەیەکی ئەمساڵی خەڵکی کوردستان نەفەوتێت.

 
لێدوانی فەرمی: د. ئومێد سەباح، سەرۆکی دیوانی ئەنجوومەنی وەزیران، لە کەرکووک دوای ئەوەی لە بنکەیەکی ئەو شارە دەنگیدا قسەی بۆ میدیاکان کرد و گوتی، لیستی مووچەی مانگی نۆ وردبینی تێدا کراوە و تەواو بووە، تەرازووی پێداچوونەوە و 120 ملیارەکە ئامادەیە، بەڵام بەغدا بەبیانووی نەبوونی پارەی کاش پرۆسەکەی دواخستووە.