خەمیس خەنجەر: بەبێ پارتی هەڵبژاردن ناكرێت

ئاڤا نیوز

 

سەرۆكی هاوپەیمانی سیادە دوای كۆبوونەوەی لەگەڵ سەرۆكوەزیران بارزانی ڕایگەیاند "هەڵوێستمان لەگەڵ پارتی یەکگرتووە و هەماهەنگی باڵامان هەیە".

وێنە گەورەکە: ئەمڕۆ 30-5-2024 سەرۆکوەزیران بارزانی بە یاوەری شاندێک سەردانی بەغدای کرد.
لێدوانی فەرمی: خەمیس خەنجەر، سەرۆکی هاوپەیمانی سیادە، ڕایگەیاند: سەردانی سەرۆکوەزیران بارزانی گرنگە، پێمان وایە زۆرینەی کێشەکان چارەسەر کراون و ئەو کێشانەشی ماوەنەتەوە لە ڕۆژانی داهاتوودا چارەسەر دەکرێن.

زانیاریی زیاتر: ئیرادەیەک لەلایەن سەرۆکوەزیرانی عێراق هەیە، دەرفەتێکی دیکە بدرێ بۆ تێگەیشتن لەنێوان لایەنەکان و هەڵبژاردن بێ پارتی مانایەکی نابێت. خەمیس خەنجەر وای گوت.

 

گۆشەیەكی دیكە: ژمارەیەکی زۆر لە پەرلەمانتارانی عێراق بۆ بەجێگەیاندنی فەریزەی حەج چونەتە سعودییە،  بەوهۆیەوە هەڵبژاردنی سەرۆکی پەرلەمان بۆ دوای جەژنی قوربان دواخراوە. خەمیس خەنجەر وای گوت.