![ئاڤامیدیا.. بژارەی دروستی کۆمەڵگەی کوردی](/_next/image?url=https%3A%2F%2Fassets.ava.news%2Fnews%2F6992%2FrRQwvWgMR9QlMdMoxz6S.jpg&w=3840&q=100)
"نە کراوە و نە بینراو"، لە دونیای ئەمڕۆماندا درووشمێکی قورس و ئەستەمە. هەڵبەت تاوەکو ئەوکاتە ئەستەمە کە توانای بیرکردنەوە و دەستبردن بۆ مەحاڵەکانمان نەبێت.
لە دوو ڕۆژی ڕابردوودا، وەک تیمی ئاڤا میدیا دوو ئیڤێنت و چالاکی گەورەی جەماوەرییمان ئەنجام دا کە یەکەمیان 'کەرنەڤاڵی منداڵان' بوو لە پارکی سامی عەبدولڕەحمان و دوو ڕۆژی خایاند و سەدان بنەماڵە و خێزان تیایدا چێژ و خۆشییان لە گۆرانی و میوزیک و دیلان و خەڵات و دیاری وەرگرت. دووەمیشیان 'کەرنەڤاڵی چێنەر & برادەران' بوو کە هەزار لاو و گەنج لە 13 شار و شارۆچکەی هەرێمی کوردستانەوە بە پاس هێنرانە شەقامی ئیسکانی هەولێری پایتەخت تاوەکو لەگەڵ هەزاران گەنجی دیکەی هەولێر، تەماشای یاریی كۆتایی چامپیۆنزلیگ لە نێوان ڕیال مەدرید و برووسیا دۆرتمۆند بکەن.
ئەوەی جێگەی شانازییە بۆ ئاڤا میدیا، ئەمەیە کە:
ـ گرووپێکی میدیایی ـ خێزانییە و لە نەریتی جوانی کوردی لانادات و بڕوای بە یەکانگیری و پاراستنی چوارچێوەی خێزانی هەیە.
ـ توانای ئەوەی هەیە خێزانی کوردی لەگەڵ میدیا و شاشە ئاشت بکاتەوە.
ـ توێژی منداڵان و گەنجان کە گەورەتری دوو توێژی کۆمەڵگەی کوردین، لە دەوری خۆی کۆ بکاتەوە.
ـ هەموو چین و توێژەکانی سەراسەری کوردستان هان بدات بۆ بەرنامەی تەرفیهی و وەرزشی و دووریان بخاتەوە لە سیاسەت.
ئێمە وەک ئەندامانی بنەماڵە گەورەکەی ئاڤا میدیا، بەپێی واقعی کۆمەڵگە و گەلەکەمان هەنگاو دەنێین. شەپۆل و بەربەستەکان، پراکتیزەکردنی بیرۆکە و ئایدا گەورە، بەڵام ئینسانییەکانمان ناوەستێنن.
لە ماوەی ڕابردووشدا سەلماندمان کە بینەری کوردستانی ئەگەر شاشەیەکی بنەمادار و ئینسانی و تەرفیهی هەبێت و بە ئامانجی فۆرموولەکردنی کەسایەتییەکی بەهێز، بەڵام مۆدێرن کار بکات، ئەوا ڕوو ناکاتە شاشە بیانییەکان.
ڕێگە دوور و پڕ لە کۆسپ و تەگەرەیە، بەڵام هێز و خواست بۆ گەیشتنە ئامانجە گەورەکان زۆر لەوە گەورەترن کە بمانوەستێنن... چاوەڕوانی شتی گەورەتر بن.
نوێترین بیروڕا
کامالا هاریس دەبێتە یەکەم خانمە سەرۆکی ئەمریکا؟
25 تەممووز
نهێنیی سەرکەوتنی تاقیکردنەوەکانی پۆلی 12
23 تەممووز
ڕەتكردنەوەی مەرجدارانە: جیهان كام تووندوتیژییە ڕەتدەكاتەوە؟
15 تەممووز
عێراق لەژێر "کاریگەریی پەپوولە" لە ئیدارەدانی دەوڵەتدا
15 تەممووز
هەولێر و بەغدا؛ تێپەڕاندن یان نوێکردنەوەی ڕابردوو
14 تەممووز
تێگەیشتنە هەڵەکان لە ڕیفۆرمخوازەکانی ئێران
8 تەممووز
بۆچی سەرۆک بارزانی لە بەغدایە؟
4 تەممووز
بۆچی وا بە خۆمان دەکەین؟
2 تەممووز
دهسهڵات و گوتاری ڕاگهیاندن، پهیوهندییان به زمانهوه
30 حوزەیران
با ڕێ نەدەین سۆشیالمیدیا ببێتە مەیدانی جوێنفرۆشان!
28 حوزەیران
- تەندروستی
- 8 کاتژمێر لەمەوپێش
لە مەغریب ژمارەیەک تووشبوونی نوێ بە کۆرۆنا تۆمار دەکرێت
- کوردستان
- 8 کاتژمێر لەمەوپێش
لە سلێمانی ڕێژەی دەرچوون لە پەیمانگەیەکی نابینایان ٪100 بووە
- کوردستان
- 10 کاتژمێر لەمەوپێش
هەزار و 169 کەس خۆیان بۆ پەرلەمانی کوردستان بەربژێر کردووە
- ڕۆژهەڵاتی ناوەڕاست
- 10 کاتژمێر لەمەوپێش
هەڵگری پاسپۆرتی سووریا دەتوانێت بۆ چەند وڵات گەشت بكات؟
- جیهان
- 11 کاتژمێر لەمەوپێش
لە فەڕەنسا هێرشكرایە سەر چەند شەمەندەفەرێک
- عێراق
- 11 کاتژمێر لەمەوپێش
حەلبووسی چەند بژاردەیەک لەبارەی سەرۆکایەتیی پەرلەمان دەخاتە ڕوو