وەزارەتی پێشمەرگە لەبارەی دابەشنەکردنی هاوکاریی هاوپەیمانان ڕوونکردنەوە دەدات

ئاڤا نیوز

 
وەزارەتی پێشمەرگە ڕایدەگەیێنێت، گرفتی پێنەدانی هاوکارییە داراییەکانی هاوپەیمانان بۆ بەشێک لە هێزەکانی پێشمەرگە هیچ پەیوەندییەکی بە بڕیارەکانی وەزارەتەکەوە نییە.

وێنە گەورەکە: جگە لە مووچە، هاوپەیمانان مانگانە بڕێک پارە وەک هاوکاری بە لیواکانی وەزارەتی پێشمەرگە دەدات، بەشێک لە هێزەکان چەند مانگێکە ئەو بڕە پارەیان پێ نەدراوە و پێشمەرگەکان گلەیی دەکەن و داوای چارەسەر دەکەن.

ڕاگەیێنراوی فەرمی: وەزارەتی پێشمەرگە ڕایگەیاند: ئەم گرفتە هیچ پەیوەندیێکی بە بڕیارەکانی وەزارەتی پێشمەرگەوە نییە، بەڵکو ڕاستەوخۆ پەیوەندیدارە بەشێوازی کارکردن و پێدانی هاوکاری هاوپەیمانان بەیەکە سەربازییەکان.

هۆکارە زانراوەکان: گرفتی ئەم یەکە سەربازیانە پەیوەستە بە هەبوونی ڕۆتینێکی ئەمنیی هێزەکانی هاوپەیمانان، لەمبارەیەشەوە هەنگاوی پێویستمان ناوە و  کاری جددیمان ەسەر کردووە . وەزارەتی پێشمەرگە وادەڵێت.

ئەوەش بزانە: وەزارەتی پێشمەرگە ئاماژەی بەوەش داوە چاوەڕوانی بڕیاری هاوپەیمانان دەکات بۆ  ڕێکخستنەوە و چۆنیەتی دابەشکردنی  هاوکاریەکانیان بۆ یەکەکانی سەر بەوەزارەتەکە.