ئەنجوومەنی وەزیرانی عێراق پاڵپشتی بۆ هاندەرانی یانەی زاخۆ ڕادەگەیێنێت

ئاڤا نیوز

بڕیارە لە نزیکترین کاتدا ئەنجوومەنی وەزیرانی عێراق نووسراوێک دەربکات و بەشێوەیەکی فەرمی لەسەر ئاستی حکومەت پاڵپشتی خۆیان بۆ هاندەرانی یانەی زاخۆ ڕابگەیەنن.

چیرۆکی سەرەکی: لەماوەی ڕابردوو وەک پاڵپشتییەک بۆ تووشبوانی شێرپەنجە هاندەرانی یانەی زاخۆ هەزاران بوکەڵەیان خستە ناو گۆڕەپانی یاریگا، بە فەرمی لەلایەن فیدارسیۆنی تۆپی پێی نێودەوڵەتیی (فیفا) دیاریکران بۆ پێشبڕکێی بەدەستهێنانی باشترین هاندەری ساڵ و کێبڕکێ لەگەڵ هاندەرانی دوو تیپی دیکە دەکەن و دەنگدان بە ئۆنڵاین تا 28-11-2025 بەردەوام دەبێت.

زانیاریی بەدەستهاتوو: سەرچاوەیەک لە ئەنجوومەنی وەزیرانی عێراق بە ئاڤا میدیای ڕاگەیاند، بڕیارە لە نزیکترین کاتدا ئەنجوومەنی وەزیران نووسراوێک دەربکات و پاڵپشتی نیشتمانی بۆ دەنگدان بە هاندەرانی یانەی زاخۆ ڕابگەیەنێت.

زانیاریی زیاتر: ئاڤا زانیویەتی، لە نووسراوەکەی حکومەتی عێراق داوا لە خەڵک و کارمەندانی حکومەت دەکات پاڵپشتی هاندەرانی یانەی زاخۆ بکەن و بەشێوەی ئۆنلاین بەشداریی لەو دەنگدانە بکەن.