عێراق سەدان هێرشی سایبەری پوچەڵ دەکاتەوە

ئاڤا نیوز

وەزارەتی گەیاندنی عێراق لە ماوەی ڕابردوودا سەدان هێرشی سایبەریی بۆ سەر دامەزراوە جیاوازەکان پوچەڵ کردووەتەوە، بە ئامانجی پاراستنی سیستمە دیجیتاڵییەکانی وڵات و ڕێگری لە پەککەوتنی خزمەتگوزارییەکان.

بۆچی گرنگە: پاراستنی داتا و سیستمە ئەلیکترۆنییەکان لە عێراق پێویستییەکی نیشتمانییە؛ چونکە هێرشەکان تەنیا کەرتی سەربازی ناگرنەوە، بەڵکو هەڕەشەن بۆ سەر هەموو دامەزراوە حکومیی و کەرتی تایبەت کە زانیاریی گرنگی هاووڵاتیانیان تێدایە.

ئەوەی ئێستا ڕوودەدات: هیام یاسری، وەزیری گەیاندنی عێراق ڕایگەیاند، ئێستا کار لەسەر جێبەجێکردنی پڕۆژەی (Anti-DDoS) دەکەن، کە تایبەتە بە بەرپەرچدانەوەی ئەو هێرشانەی دەبنە هۆی ڕاگرتنی خزمەتگوزارییە ئەلیکترۆنییەکان و پەکخستنی ماڵپەڕە فەرمییەکان.

ئەوەی پێویستە بیزانیت: ئاسایشی سایبەری هەموو دامەزراوەکانی دەوڵەت و کەرتی تایبەت دەگرێتەوە، نەک تەنیا لایەنی سەربازی.

ئەمەش بزانە: ئاسایشی سایبەری بریتییە لە پاراستنی کۆمپیوتەر، تۆڕ، ئەپڵیکەیشن و داتا هەستیارەکان لە هەر هەڕەشەیەکی دیجیتاڵی کە ئامانجی تێکدانی سیستمی دەوڵەت بێت.