هاتووچۆی سلێمانی شۆفێران لە کەمبوونەوەی ئاستی بینین ئاگادار دەكاتەوە

ئاڤا نیوز

هاتووچۆی سلێمانی شۆفێران لە دروستبوونی تەمێكی زۆر و کەمبوونەوەی ئاستی بینین ئاگادار دەكاتەوە كە بەهۆی نزمبوونەوەی پلەكانی گەرما ڕوویداوە، داوا لە شۆفێران دەكات پابەندی یاسا و ڕێنماییەكانی هاتووچۆ بن.

چیرۆکی سەرەکی: شەپۆلێكی دیكەی چڕی بەفر و بارانبارین زۆربەی ناوچەكانی هەرێمی كوردستانی گرتووەتەوە و پلەكانی گەرما نزمبوونەتەوە، بەهۆیەوە ئاستی بینین بۆ مەودایەكی كورت كەمبووەتەوە.

بڵاوکراوەی فەرمی: بەڕێوەبەرایەتیی هاتووچۆی پارێزگای سلێمانی ڕاگەیێنراوێكی بڵاوكردووەتەوە، تێیدا شۆفێران ئاگادار دەكاتەوە كە بەهۆی نزمبوونەوەی پلەکانی گەرماو دروستبوونی تەمێکی زۆر لەشاری سلێمانی و دەوروبەری و کەمبوونەوەی ئاستی بینین، داوایان لێ دەكات پابەندی یاساو ڕێنماییەکانی هاتووچۆ بن، خێرایی ئۆتۆمبێلەکانیان کەمبکەنەوە.

زانیاریی زیاتر: هاتووچۆی سلێمانی داواش لە شۆفێران دەكات گرنگی بدەن بە لایتی ئۆتۆمبێلەکانیان، بەتایبەت لایتی تەم بەکاربهێنن و بەدووربن لەبەکارهێنانی لایتی بەرز (فوول لایت)، ئەو ئۆتۆمبێلانەش کە لایتی ئۆتۆمبێلەکانیان ئیش ناکات، نەهێندرێنە سەر شەقام، تاوەکو بەدووربن لەڕووداوی هاتووچۆ.

لەلایەكی دیكەوە: هاتووچۆی سلێمانی ڕێنمایی شۆفێرانیش دەكات، بۆ کارێکی زۆر پێویست نەبێت سەردانی ڕێگەکانی دەرەوەی شار نەکەن، چونکە لەچەندین شوێندا تەم هەیەو ئاستی بینین بۆ چەند مەترێک کەمبووەتەوە.