سوودانی و تەیف سامی سەردانی ‌هەرێمی کوردستان دەکەن

ئاڤا نیوز

بە مەبەستی بەشداریی لە کۆڕبەندی مێپس، بڕیارە محەممەد شیاع سوودانی، سەرۆکوەزیرانی عێراق بە یاوەری ژمارەیەک لە وەزیرانی حکومەتەکەی و تەیف سامی، وەزیری دارایی عێراق لە فڕۆکەخانەی موسڵەوە سەردانی دهۆک بکات، هاوکات لەگەڵ سەرۆکوەزیران مەسرور بارزانیش کۆدەبێتەوە. 

چیرۆکی سەرەکی: سبەی سێشەممە کۆڕبەندی مێپس، کۆڕبەندی ئاشتی و ئاسایشی ڕۆژهەڵاتی ناوەڕاست لە دهۆک بەرێوەدەچێت، کە کۆڕبەندێکی گرنگە لەسەر ئاستی عێراق، هەمووان چاویان لەسەر ئەوەیە بزانن پەیامی تازەی سەرکردەکان لە دوای هەڵبژاردن چی دەبێت. 

 زانیاریی تایبەت: ئاڤا زانیویەتی سەرۆکوەزیرانی عێراق بەشداریی لە کۆڕبەندەکە دەکات و بەشێک لە وەزیرانی حکومەتەکەشی لەگەڵدا دەبێت، یەکێک لەوانە وەزیری دارایی عێراق دەبێت. 

لەلایەکی دیکەوە: بڕیارە هەر لە دهۆک مەسرور بارزانی، سەرۆکوەزیرانی هەرێمی کوردستان و محەممەد شیاع سوودانی، کۆبوونەوەیەکی تایبەت بکەن،  یەکێک لە تەوەرە سەرەکییەکانی کۆبوونەوەکەیان پرسی مووچە دەبێت.

نو‌ێدەکرێتەوە...