دەست بەسەر 78 کیلۆ ماددەی هۆشبەر دەگیرێت

ئاڤا نیوز

 

بەڕێوەبەرایەتیی ئاسایشیی بازگەکان لە بازگەی هیران لە دوو ئۆپێراسیۆنی جیاواز دەستی بەسەر 78 کیلۆ گرام ماددەی هۆشبەر گرت و دوو بازرگانیشی دەستگیر کردووە.

 

لێدوانی فەرمی: ئەرکان، گوتەبێژی بەڕێوەبەرایەتیی نەهێشتنی ماددە هۆشبەرەکان، بە ئاڤا نیوزی گوت: لە بازگەی هیران بازرگانێک بە پێنج کیلۆ ماددەی هۆشبەرەوە دەستگیر کراوە، هەروەها بازرگانی دووەمیش لە ڕۆژی دواتر بە ئۆتۆمبێلی بارهەڵگر بڕی 73 کیلۆ جۆری کریستاڵ دەسگیرکراوە، لە لێکۆڵینەوەکان دانیان بە تاوانەکانیدا ناوە.

 

باکگراوند: لە مانگی ئابی ئەمساڵدا چەندین بازرگانی ماددەی هۆشبەر کە کورد و ڕەگەزنامەی جیاواز بوون، لەلایەن بەڕێوەبەرایەتی نەهێشتنی ماددە هۆشبەرەکانەوە دەستگیرکراون.