لە ماوەی 14 ڕۆژ دوو مووچە دابەش دەکرێن

ئاڤا نیوز

 

شاندێکی باڵای هەرێمی کوردستان بە جانتایەکی پڕ لە کەیسی ئابوورییەوە سەردانی بەغدا دەکات، لیستی مووچەی مانگی هەشت لەگەڵ خۆیان دەبەن و هەر لەگەڵ گەیشتنیان ڕادەستی وەزارەتی دارایی عێراقی دەکەن.

 

وێنە گەورەکە: لە کۆبووەنەوەکانی نێوان ئەنجوومەنی وەزاری عێراق بۆ کاروباری ئابووری و ئەنجوومەنی ئابووریی هەرێمی کوردستان کە هەفتەی ڕابردوو بەسەرپەرشتی سەرۆکوەزیران بارزانی لە هەولێر کران، بڕیاردرا تاوەکو کۆتایی ئەمساڵ سەرجەم گرفتەکانی لیستی مووچە چارەسەربکرێن.

 

ئەوەی پێویستە بیزانیت: هەفتەی داهاتوو شاندێکی باڵای هەرێمی کوردستان سەردانی بەغدا دەکات، کۆبوونەوەکانیان بە ئاڕاستەی کۆتاییهێنان بە گرفتی مووچە لەگەڵ شاندی عێراق دەستپێدەکەن و لیستەکانی مووچەش لەگەڵ خۆیان دەبەن و ڕادەستی وەزارەتی دارایی عێراقی دەکەن.

 

لێدوانی فەرمی: د. ئومێد سەباح، سەرۆکی دیوانی ئەنجوومەنی وەزیران، لە گەشتی 07:00ـی هەوراز گوڵپی لە ئاڤا بەشداری کرد و  سەبارەت بە چارەسەرکردنی کێشەکان گوتی، "هەفتەی داهاتوو لیستی مووچەی مانگی هەشت ڕادەست دەکەین، دوای دوو ڕۆژ مووچەی ئەو مانگە خەرج دەکرێت، هاوکات لەماوەی 14 ڕۆژ مووچەی مانگی نۆ خەرج دەکرێت.