عەلی حوسێن: پارتی خاڵی هاوبەشی لەگەڵ سەرجەم لایەنەکان هەیە

ئاڤا نیوز 

 

پێش دەستپێکردنی پڕۆسەی هەڵبژاردنی خولی شەشەمی پەرلەمانی کوردستان، پارتی کار لەسەر خاڵە هاوبەشەکان دەکات و  بەرپرسی مەکتەبی ڕێکخستنی سلێمانی – ڕاپەڕینی پارتیش دەڵێت، "خاڵی هاوبەشمان لەگەڵ سەرجەم لایەنەکان هەیە".

 

وێنە گەورەکە: 31 ڕۆژ ماوە بۆ بەڕێوەچوونی پڕۆسەی هەڵبژاردنی خولی شەشەمی پەرلەمانی کوردستان، بەشێکی لایەنەکان بانگەشەی پێشوەختەیان دەستپێکردووە و پارتی دیموکراتی کوردستانیش ئامادەکارییەکانی تەواو کردووە.

 

لێدوانی فەرمی: عەلی حوسێن، بەرپرسی مەکتەبی ڕێکخستنی سلێمانی – ڕاپەڕینی پارتی قسەی بۆ میدیاکان کرد و گوتی ڕایگەیاند، "خاڵی هاوبەشمان لەگەڵ سەرجەم لایەنە سیاسییەکانی کوردستان هەیە، بەڵام لەگەڵ هیچ لایەنێک ڕێککەوتنی پێشوەختەمان لەسەر هیچ پرسێک نەکردووە".

 

گۆشەیەکی دیکەی دیمەنەکە: زریان کەمال، پەیامنێری ئاڤا لە سلێمانی کە پرسیاری ئەوەی لە بەرپرسی مەکتەبی ڕێکخستنی سلێمانی – ڕاپەڕینی پارتی کرد، کە محەممەد حەلبووسی، سەرۆکی هاوپەیمانیی تەقەدووم دەڵێت، "نابێت چەک بە پێشمەرگە بدرێت." لە وەڵامدا گوتی، "حەلبووسی گرفتی سیاسیی لەنێو ماڵی خۆی و شیعە هەیە، هەر بۆیە بابەتی کوردستان دەکات بە وەرەقەیەکی سیاسی بۆ دەستکەوتی سیاسی خۆی".

 

گوتیشی: پێشمەرگە بەشێکە لە خەباتی ئێمە و دوای ڕووخانی سەدام، بەغدایان پاراست، بەڵام ئەوانەی لەنێو پڕۆسەکە نەبوون ئاگایان لەوە نییە.