ئیلۆن مەسک ئینتەرنێت لە یەمەن کارا دەکات

ئاڤا نیوز

 

ئیلۆن مەسک خاوەنی کۆمپانیای ستارلینک، وەکو یەکەم هەنگاوی بۆ دابینکردن ئینتەرنێت لە ڕۆژهەڵاتی ناوەڕاست لە ڕێگەی مانگی دەستکردەوە ئینتەرنێت بۆ یەمەن دابین دەکات. 

 

ڕاگەیێنراوی فەرمی: وائێل تارموم، بەڕێوەبەری جێبەجێکاری کۆمپانیای گشتیی پەیوەندییەکان لە حکومەتی یەمەن ڕایگەیاند: بە فەرمی خزمەتگوزاری ستارلینک خراوەتە بواری جێبەجێکردنەوە.

 

بۆچی گرنگە: پڕۆژەی ستارلینک ئامانجی پێشکەشکردنی خزمەتگوزاری ئینتەرنێتە لە ڕێگەی مانگی دەستکردەوە بۆ ناوچە دوورەکان یان ئەو شوێنانەی کە بەدەست ژێرخانی پەیوەندییە تەقلیدییە لاوازەکانەوە دەناڵێنن، ئەمەش وایکردووە یەمەن ببێتە یەکێک لە سودمەندە دیارەکان لە ژێر ڕۆشنایی بارودۆخی ئێستادا. 

 

زانیاریی زیاتر: یەمەن وەک یەکێک لە هەژارترین وڵاتانی جیهان، لە دوای سەرهەڵدانی شەڕی نێوان لایەنە ڕکابەرەکان لە ساڵی 2015ـەوە تووشی قەیرانێکی مرۆیی گەورە بووە کە بووەتەهۆی ئاوارەبوونی هەزاران کەس.