ئەمڕۆ زانكۆلاین بۆ دەرچووانی پۆلی 12 کارا دەکرێت

ئاڤا نیوز 

 

ماڵپەری زانکۆڵاین کارا دەکرێت و وەزارتی خویندنی باڵای ماوەی 10 ڕۆژ بە دەرچووانی پۆلی 12ی ئامادەیی دەدات بۆ ئەوەی فۆڕمەکانیان پڕ بکەنەوە.

 

وێنە گەورەکە: ئەمڕۆ شەممە، کاتژمێر 12ی نیوەڕۆ پڕۆسه‌ی پێشکەشکردن بۆ وه‌رگرتنی ده‌رچووانی دوانزه‌ی ئاماده‌یی له‌ زانكۆ و پەیمانگەکانی هەرێمی كوردستان بۆ ماوەى 10 ڕۆژ کارا دەکرێت.

 

ڕاگەیێنراوی فەرمی: وەزارەتی خوێندنی باڵا ڕایگەیاند، وێبسایتی (www.regayzanko.com)  بۆ دەرچووانی زانستی، وێژەیی، پیشەیی، تا ڕۆژى 30ی ئەیلوول کارا دەبێت، ده‌رچووان ده‌توانن فۆرمی وه‌رگرتن له‌ زانكۆ و په‌یمانگه‌كان پڕبكه‌نه‌وە و پێشكه‌شی بكه‌ن.

ئەوەش بزانە: ئەو دەرچووانەى لە خوار ساڵى 2000وە دەرچوون، هاوکات دەرچووانی پێنج ساڵی ڕابردووی پیشەییەکان کە نیازی فۆرم پێشکەش کردنیان هەیە بۆ خوێندنی پارالێڵ و ئێواران، پێویستە سەردانی وەزارەتی پەروەردە بکەن بۆ وەرگرتنى یوزەرنەیم و پاسۆرد و داخڵکردنی زانیارییەکانیان، بەپێچەوانەوە ناتوانن داواکاری وەرگرتن پێشکەش بکەن.