سەرۆکوەزیران بارزانی پێشانگەی نێودەوڵەتیی بیناسازی لە هەولێر دەکاتەوە

ئاڤا نیوز 

 

گەورەترین پێشانگای نێودەوڵەتیی بیناسازیی، کارەبا، ژێرخانی تەندروستی لەسەر ئاستی عێراق 'Construct Iraq' لە هەولێر دەکرێتەوە، زیاتر لە 400 کۆمپانیای ناوخۆی و جیهانی نوێترین بەرهەکانیان لەو بوارە نمایش دەکەن.

 

وێنە گەورەکە: ئەمڕۆ سێشەممە 24-09-2024 سەرۆکوەزیران مەسرور بارزانی، شەشەمین پێشانگەی نێودەوڵەتیی پیشەسازی و بیناسازی لە هەولێر دەکاتەوە، کە 42 کۆمپانیای عێراق، 33 کۆمپانیای هەرێمی کوردستان، 103 کۆمپانیای چینی، 76 کۆمپانیای تورکیا و 60 کۆمپانیای ئێران بەرهەمەکانیان نمایش دەکەن.

 

لێدوانی فەرمی: هێمن سابر، گوتەبێژی پێشانگەی نێودەوڵەتی هەولێر بە ئاڤا نیوزی ڕاگەیاند، "زیاتر لە 400 کۆمپانیا لە 13 وڵاتی جیاواز بەشداری ئەم پێشانگەیە دەکەن، سەرکردایەتی پڕۆژەکانی گەشەپێدانی وڵات دەکەن لێرە کۆبوونەتەوە بۆ نمایشکردنی نوێترین بەرهەمی بیناسازی، کارەبا و تەندروستی".

 

زانیاریی زیاتر: پێشانگەکە بۆ ماوەی سێ رۆژ بەردەوام دەبێت و رۆژانە لە کاتژمێر 10ی بەیانی تاوەکو 7ی ئێوارە کراوە دەبێت بۆ پێشوازی لە سەردانیکاران.