خامنەیی: نابێت زیادەڕۆیی لە گەورەکردنی هێرشەکانی ئیسرائیل بکرێت

ئاڤا نیوز

 

ڕێبەری باڵای کۆماری ئیسلامی ئێران دوای هێرشە مووشەکیی و ئاسمانییەکەی ئیسرائیل بۆ سەر وڵاتەکەی پەیامێکی لە ئێکس بڵاوکردەوە.

 

وێنە گەورەکە: بەرەبەیانی ڕۆژی شەممە 2024/10/26 ئیسرائیل بە دوو قۆناغ هێرشی ئاسمانی کردە سەر چەند بنکەیەکی سەربازیی ئێران لە پارێزگاکانی تاران و ئیلام و خۆزستان، وەک وەڵامێک بۆ هێرشە مووشەکییەکەی تاران بۆ سەر ئیسرائیل لە مانگی ڕابردوودا. هێرشەکە کاردانەوەی ناوچەیی و نێودەوڵەتیی بەدوای خۆیدا هێنا.

 

لێدوانی فەرمی: ئایەتوڵڵا خامنەیی، ڕێبەری کۆماری ئیسلامی ئێران لە تۆڕی کۆمەڵایەتیی ئێکس نووسیویەتی،" نابێت زیادەڕۆیی لە گەورە کردن یاخود بە کەم پیشاندانی هێرشەکانی ئیسرائیل بکرێت ".

زانیاریی زیاتر: خامنەیی لەبارەی هێرشەکەی ئیسرائیلەوە دەڵێت، ئەوان [ئیسرائیل] " لێکدانەوەی هەڵە"یان کردووە.

 

ئەوەی پێویستە بیزانیت: لە هێرشەکەی ئیسرائیل بۆ سەر ئێران چوار سەربازی ئێرانی کوژران، زانراوە سیستمی ڕاداری ئێران زیانی بەرکەوتووە.  

 

باکگراوند ئەم هێرشەی ئیسرائیل بۆ سەر ئێران دوای 26 ڕۆژ لە هێرشی ئێران بۆ سەر ئیسرائیل هات، کە ئێران وەک وەڵامێک بۆ کوژرانی ئسماعیل هەنیە و حەسەن نەسڕوڵڵا 180 مووشەکیان لە یەکی ئۆکتۆبەردا ئاراستەی خاکی ئیسرائیل کرد.