ئەنجوومەنی ئاسایش لەسەر داوای ئێران کۆدەبێتەوە

ئاڤا نیوز

 

ئەنجوومەنی ئاسایشی نێودەوڵەتی سبەی دووشەممە لەسەر داوای ئێران سەبارەت بەهێرشەکەی ئیسرائیل بۆسەر ئەو وڵاتە کۆبوونەوەیەکی خێرا ئەنجام دەدات.

 

وێنە گەورەکە: بەرەبەیانی ڕۆژی شەممە 2024/10/26 ئیسرائیل بە دوو قۆناغ هێرشی ئاسمانی کردە سەر چەند بنکەیەکی سەربازیی ئێران لە پارێزگاکانی تاران و ئیلام و خۆزستان، وەک وەڵامێک بۆ هێرشە مووشەکییەکەی تاران بۆ سەر ئیسرائیل لە سەرەتای مانگی ئۆکتۆبەر. هێرشەکە کاردانەوەی ناوچەیی و نێودەوڵەتیی بەدوای خۆیدا هێنا.

 

لێدوانی فەرمی: عەباس عێراقچی، وەزیری دەرەوەی ئێران ڕایگەیاند: ئەنتۆنیۆ گۆتێرێس، سکرتێری گشتی نەتەوە یەکگرتووەکانی ئاگادار کردووەتەوە کە تاران مافی خۆیەتی لە بەرەبەیانی ڕۆژی شەممە وەڵامی بۆردومانی ئیسرائیل بداتەوە.

 

زانیاریی زیاتر: عێراقچی لە نامەیەکدا کە بۆ ئەمینداری گشتی نەتەوە یەکگرتووەکانی ناردووە، داوای کۆبوونەوەی بەپەلەی ئەنجوومەنی ئاسایش دەکات بۆ گفتوگۆکردن لەسەر بۆردومانی ئیسرائیل بۆ سەر وڵاتەکەی.