دیداری مێری لە هەولێر بەڕێوەدەچێت

ئاڤا نیوز

 

لە ژێر ناونیشانی "بەرەو حوكمڕانی دروست و خۆشگوزەرانی" 10ـەمین دیداری مێری بەبەشداری ژمارەیەک بەرپرسی باڵای هەرێمی کوردستان و ناوچەکە لە هەولێر بەڕێوەدەچێت، بڕیارە بۆ ماوەی دوو ڕۆژ بەردەوام بێت.

 

وێنە گەورەکە: ئەم دیدارە سەکۆیەکە بۆ گفتوگۆکردن و دیبەیت لەسەر ئەو پرسانە کە کاریگەرییان لەسەر عێراق، هەرێمی کوردستان و ڕۆژهەڵاتی ناوەڕاستی هەیە، كۆنفرانسێكی سیاسی ئاست باڵایە لە عێراق، ئەم دیدارە لە پاییزی هەموو ساڵێک بەڕێوەدەچێت.

 

زانیاریی بەدەستهاتوو: لە ماوەی دوو ڕۆژی دیدارەکە 14 پانێڵ بەڕێوەدەچن، نێچیرڤان بارزانی، سەرۆکی هەرێمی کوردستان؛ مەسرور بارزانی، سەرۆکوەزیرانی هەرێمی کوردستان؛ عەمار حەکیم، سەرۆکی ڕەوتی حیکمە و محەممەد حەسەن، نێردەی تایبەتی سکرتێری گشتیی ڕێکخراوی نەتەوە یەکگرتووەکان و ژمارەیەک بەرپرسی  دیکە گوتاریان دەبێت.

 

زانیاریی زیاتر: لە دیدارەکە سەرۆکوەزیران مەسرور بارزانی لەسەر پرسی هەرێمی کوردستانی عێراق دوای ھەڵبژاردن، ستراتیژ و لەپێشینەکان گوتاری دەبێت.