ئاڤا نیوز
ناکۆکیی نێوان لایەنە سوننەکان و دابەشبوونی پێکهاتەکانی دیکە ماوەی ساڵێکە پرۆسەی هەڵبژاردنی سەرۆکێکی بۆ پەرلەمانی عێراق پەکخستووە، هەموو ئەو هەوڵانەی لەوپێناوەش نراون شکستیان هێناوە.
وێنە گەورەکە: ئەگەرچی چەندجارێکە لایەنە شیعەکان و بەدیاریکراویش هێزەکانی نێو چوارچێوەی هەماهەنگی ئەو پەیامەیان بە گوێی سوننەکان داوە کە پۆستی سەرۆکی پەرلەمان لەم چەند ڕۆژەدا یەکلادەکەنەوە و کۆتایی بەو بابەتە دەهێنن، بەڵام ناکۆکیی قووڵی نێوان سوننەکان وای کردووە تاوەکو ئێستا لەسەر کاندیدێک نەگەنە ڕێککەوتن.
لێدوانی فەرمی: عەمار حەکیم، سەرۆکی ڕەوتی حیکمەی نیشتمانی لەمیانی بەشداریکردنی لە یەکێک لە پانێڵەکانی دیداری مێری لە هەولێر لەبارەی پرسی هەڵبژاردنی سەرۆکی پەرلەمان ڕایگەیاند، ڕۆژی پێنجشەممە دانیشتنێک بۆ ئەو بابەتە دەکرێت و سەرۆکێکی نوێ بۆ پەرلەمان هەڵدەبژێردرێت.
بۆچوونی بەرامبەر: فارس ئەلفارس، ئەندامی هاوپەیمانیی سەدارەی سوننەکان بەدووری دەبینێت ڕۆژی پێنجشەممە سەرۆکی پەرلەمان هەڵبژێردێت و باس لە هەوڵێکی نوێی لایەنە سوننییەکان دەکات بۆ ئەوەی لەو نزیکانە لەسەر بەربژێرێکی هاوبەش بگەنە ڕێککەوتن.
فارس ئەلفارس دەڵێت: "ڕاستییەکەی هەندێک لایەنی سیاسی دەستوەردانیان لە پرسی ناونانی سەرۆکی پەرلەمان کرد لەبری ئەوەی ڕۆڵیان هەبێت لە چارەسەرکردنی ئەو بابەتە و بوونە بەشێک لە کێشەکە. پێویستە هێز و لایەنە سیاسییە سوننییەکان خۆیان کۆتایی بەو پرسە بهێنن و ئەوان پێویستە کەسێک دەستنیشان بکەن. بۆ ئەو مەبەستەش شێخ خەمیس خەنجەر پێش چەند ڕۆژێک دەستپێشخەرییەکی پێشکەش بە هەموو لایەنە سوننییەکان کرد بۆ ئەوەی لەسەر مێزی گفتوگۆ دابنیشن و لەسەر کاندیدکردنی کەسێک بگەنە ڕێککەوتن، پێموایە بەدەنگەوەهاتنێک بۆ ئەو دەستپێشخەرییە هەیە و لەو نزیکانە لایەنە سوننییەکان کۆدەبنەوە و بابەتەکە یەکلایی دەکرێتەوە، بەڵام ڕۆژی پێنجشەممەی داهاتوو نابێت وەک ئەوەی هەندێک لایەنی دیکە دەیانەوێت".
لەلایەکی دیکەوە: پەرلەمانتارێکی کورد پێیوانییە پۆستی سەرۆکی پەرلەمان وا بەئاسانی دەست سوننە بکەوێتەوە. موسەننا ئەمین ئاماژە بۆ ئەوە دەکات ڕەنگە حەلبووسی نەیەوێت سەرۆکی پەرلەمان هەڵبژێردرێت و بیەوێت سوننە هەروا بێ خاوەن بن.
باکگراوند: پەرلەمانی عێراق کەمتر لە ساڵێک تەمەنی ماوە، نزیکەی ساڵێکیش دەبێت کورسییەکی حەلبووسی بەوەکالەت بەڕێوەدەبرێت، تاوەکو ئێستا سوننەکان لەسەر کاندیدێک کۆک نین و شیعە و کوردیش دابەش بوون. هەموو ئەوانەش نە لە ڕابردوو هاوکار بوونە و نە لە داهاتووشدا هاوکار دەبن لە یەکلاکردنەوەی ئەو پرسە.
زیاتر لەسەر ئەم بابەتانە بکۆڵەرەوە

ئاڤا دیجیتاڵ
Editor
دوایین هەواڵەکان
- کوردستان
- 6 کاتژمێر لەمەوپێش
ئاڤا پەیام و داواکاریی بژمێرەکان دەگەیێنێت؛ کوا مایکی ئاڤا؟
- تەندروستی
- 6 کاتژمێر لەمەوپێش
لە هەولێر دەمبووس لە قوڕگی ئافرەتێک دەردەهێنرێت
- کوردستان
- 7 کاتژمێر لەمەوپێش
کوردستان فاوندەیشن خەونی یەکەمەکەی گەرمیان بەدیدەهێنێت
هەڵبژاردەکان بۆ تۆ
ئاڤا پەیام و داواکاریی بژمێرەکان دەگەیێنێت؛ کوا مایکی ئاڤا؟
6 کاتژمێر لەمەوپێش
لە هەولێر دەمبووس لە قوڕگی ئافرەتێک دەردەهێنرێت
6 کاتژمێر لەمەوپێش
گەورەترین پارچە بەردی هەسارەی مەریخ دەفرۆشرێت
22 کاتژمێر لەمەوپێش
لەماوەی شەش مانگدا زیاتر لە حەوت هەزار ژوانی نێوان هاوسەران لە چاکسازییەکان بەستراون
16 تەممووز
ڕیهانا بەشداری لە فیلمی بابە سەمفوور دەکات
14 تەممووز
- عێراق
- 10 کاتژمێر لەمەوپێش
تورکیا پرسەنامەیەک ئاراستەی عێراق دەکات
- هەواڵ
- 17 کاتژمێر لەمەوپێش
ئەنجوومەنی وەزیرانی عێراق سێ ڕۆژ ماتەمینی ڕاگەیاند
- عێراق
- 18 کاتژمێر لەمەوپێش
سوودانی و لەتیف ڕەشید جەخت لەسەر چارەسەرکردنی کێشەکانی هەولێر و بەغدا دەکەنەوە
- هەواڵ
- 19 کاتژمێر لەمەوپێش
وەزارەتی ناوخۆی عێراق: 14 تەرمی ڕووداوەکەی واست ناناسرێنەوە
- هەواڵ
- 20 کاتژمێر لەمەوپێش
سوودانی وەزیری ناوخۆ بۆ لێکۆڵینەوە لە ڕووداوەکەی واست ڕادەسپێرێت