پارێزگاری کەرکووک لەبارەی پشوو بڕیاری دا

ئاڤا نیوز

بەهۆی نالەباری کەشوهەوا، پارێزگاری کەرکووک سبەی یەکشەممەی لە سەرجەم ناوەندەکانی خوێندن کردە پشوو.

وێنە گەورەکە: پێشبینی دەکرێت لە ئەمشەوەوە تاوەکو سبەی ئێوارە شەپۆلی بارانبارین لە باشووری کوردستان چڕبێتەوە و لە هەندێک شوێن مەترسیی دروستبوونی لافاو هەیە. 

ڕاگەیێنراوی فەرمی: ڕێبوار تەها، پارێزگاری کەرکووک ڕێنمایی بە بەڕێوەبەرایەتیی گشتیی پەروەردەی کەرکووک داوە لەپێناو سەلامەتی قوتابیان و خوێندکاران، سبەی یەکشەممە لە سەرجەم قوتابخانە بنەڕەتی و ناوەندی و دواناوەندییەکان دەوام ڕابگیرێت، جگە لە خوێندکارانی تاقیکردنەوەکانی خولی سێیەم. 

زانیاریی زیاتر: بەپێی ڕاگەیێنراوەکە، بڕیاری پشوو زانکۆ و پەیمانگە حکومی و تایبەتەکانیش دەگرێتەوە و دەوامی ئەوانیش ڕادەگیرێت.

لەلایەکی دیکەوە: ئێوارەی ئەمڕۆ لە گوندی توێریەی سەر بە ناحیەی عەباسیەی قەزای حەویجە لە سنووری کەرکووک، بەهۆی زۆری بارانبارین لافاو دروست بووە، بەو هۆیەوە ئافرەتێک خنکاوە.