عێراقچی بۆ واشنتن؛ مووشەک و پیتاندنی یۆرانیۆم هێڵی سوورن

ئاڤا نیوز

عەباس عێراقچی، وەزیری دەرەوەی ئێران، ڕایگەیاند لە دانوستانە ناڕاستەوخۆکانیاندا لەگەڵ ئەمریکا، پرسی مووشەک و دەستبەرداربوون لە پیتاندنی یۆرانیۆم هێڵی سوورن و گفتوگۆیان لەسەر ناکەن.

لێدوانی فەرمی: عەباس عێراقچی، وەزیری دەرەوەی ئێران ڕایگەیاند: پیتاندنی سفر ڕەتدەکەینەوە؛ دەوڵەمەندکردنی یۆرانیۆم مافێکی حاشاهەڵنەگری ئێمەیە و تەنانەت هێرشی سەربازیش نەیتوانیوە ئەم توانایەمان لەناو ببات. مووشەک بابەتێکە کە بە هیچ شێوەیەک لە ئێستا و داهاتوودا ناکرێتە تەوەری دانوستانەکان.

زانیاریی زیاتر: عەباس عێراقچی ئاماژەی بەوە کرد کە گفتوگۆکانی مەسقەت تەنیا لە چوارچێوەی مەلەفی ئەتۆمیدا بوون. ئەو باسی لەوە کرد کە واشنتن دوای تاقیکردنەوەی زمانی هەڕەشەی سەربازی، ئێستا گەڕاوەتەوە سەر مێزی دانوستان.

٠ وەزیری دەرەوەی ئێران مەرجەکانی وڵاتەکەی بۆ ڕێککەوتن خستەڕوو، کە بریتین لە دوورکەوتنەوەی ئەمریکا لە هەر جۆرە فشار و هەڕەشەیەک لە کاتی دانوستاندا، گەیشتن بە ڕێککەوتنێکی قەناعەتپێکەر لەسەر پرسی پیتاندن، نەک ڕاگرتنی. هەروەها دوێنێ هەینی 6-2-2026 گەڕێکی نوێی دانوستانەکان لە عومان بەڕێوەچوو و بڕیارە لە چەند ڕۆژی داهاتوودا گەڕێکی دیکەش ئەنجام بدرێت.