زانکۆی ڕاپەرین لەبارەی بەگرێبەستکردنی وانەبێژان ڕوونکردنەوەیەک بڵاودەکاتەوە

ئاڤا نیوز

 

دوای بڵاوکردنەوەی گەندەڵییەکی زانکۆی ڕاپەرین لە ئاڤا  سەبارەت بە گرێبەستکردنی ژمارەیەک وانەبێژ بە تەزکیەی حیزبی یەكێتیی نیشتمانی کوردستان، زانکۆکە لیستی ناوی ژمارەیەک یەکەم، دووەم و سێیەمی بڵاوکردووەتەوە کە گوایە بەمافی خۆیان بەگرێبەست دەکرێن، ئەو ژمارەیەش 30%ی ئەو ڕێژەیە پیکناهێنن کە بڕیارە لەو زانکۆیە بە گرێبەست بکرێن.

وێنە گەورەکە: حکومەتی هەرێمی کوردستان لە ڕێککەوتی 2-10-2024، بڕیاری دامەزراندنی بۆ وانەبێژانی زانکۆ و پەیمانگەکان دەرکرد، چوار هەزار و 104 کەس لەو پڕۆسەیە سوودمەند دەبن، بەڵام لە سنووری سلێمانی و دەوروبەری لەلایەن بەرپرسانی یەکێتی گەندەڵییەکی زۆر لەم  پرۆسەیەدا کراوە، 248 کەس لە کۆی 395 کەس بە تەزکییەی حیزبی دامەزراون.

 

ڕاگەیێنراوی فەرمی: زانکۆ ڕاپەرین لە ڕاگەیێنراوێکدا ئاماژە بەوەدەدات کە بۆ بەرچاو ڕوونی ڕای گشتیی، لە لیستی وانەبێژانی زانكۆی راپەڕین 61 وانەبێژیان لە یەكەم و دووەم و سێیەمی بەشە زانستییەكانن و لەماوەی ساڵانی ئاماژە پێكراوی لەخوارەوەدا وەكو وانەبێژ (یاریدەدەری مامۆستا) لەكۆلێژ و بەشەكانی زانكۆماندا كاریانكردووە، دەبێت پڕۆسەی بایۆمتری بکەن، بۆ ئەوەی بە گرێبەست بکرێن.

 

ئەوەی پێویستە بیزانیت: ئەو 248 کەسەی وەک وانەبێژ ناونووسکراون و بڕیارە لە زانکۆی ڕاپەرین بە گرێبەست بکرێن، ژمارەیەکی زۆریان کەسوکاری مامۆستایانی زانکۆ و نزیکی بەرپرسانی یەکێتین و لەلایەن وەزارەتی خوێندنی باڵاوە لیژنەیەک بۆ بەدواداچوون پێکهێنراوە.