ئاڤا ناوی ئەندامانی شاندی یەكێتی بۆ دانوستاندن ئاشكرا دەكات

ئاڤا نیوز

 

سەعدی ئەحمەد پیرە، وتەبێژی یەكێتیی نیشتمانیی كوردستان ناوی ئەندامانی شاندی دانوستاندنكاری یەكێتی بۆ گفتوگۆكردن لەگەڵ لایەنە سیاسییەكان بۆ پێكهێنانی حكومەت ئاشكرا دەكات.

 

لێدوانی فەرمی: سەعدی ئەحمەد پیرە، وتەبێژی یەكێتیی نیشتمانیی كوردستان بە ئاڤا میدیای ڕاگەیاند: گفتوگۆی لایەنە سیاسییەكان بۆ پێكهێنانی كابینەی دەیەمی حكومەتی هەرێمی كوردستان دەستپێدەكات و شاندی دانوستاندنکاری یەکێتی پێکدێن لە: قوباد تاڵەبانی، ڕزگار حاجی، دەرباز کۆسرەت، رێواز فایەق و  شاڵاو شێخ سەڵاح.

 

لەلایەكی دیكەوە: وتەبێژی یەكێتی لەبارەی هەڵمەتی بانگەشەی هەڵبژاردنی پەرلەمانی  کوردستان ئاماژەی بۆ ئەوە کرد، "لە بانگەشەی هەڵبژاردن نێوانی ئاهەنگی بانگەشەی پارتی و یەكێتی لە هەولێر تەنیا 500 مەتر بوو، بەڵام هیچ كێشەیەكیش ڕووی نەدا، ئەمە واتای ئەوەیە كە جۆرێك لە لێكتێگەیشتن لەنێوان پارتی و یەكێتی هەیە".