پەیامی هەوراز گوڵپی بۆ لایەنە کوردییە براوەکانی هەڵبژاردن

ئاڤا نیوز

هەوراز گوڵپی ئەستێرەی دیاری ئاڤا میدیا لە دوای بەڕێوەچوونی پڕۆسەی دەنگدانی گشتیی، قسەی دڵی خەڵک دەکات و پەیامێکیش ئاڕاستەی براوەکانی هەڵبژاردن دەکات لەبارەی دانوستان بۆ پێکهێنانی حکومەت. 

وێنە گەورەکە: 11ی11 دەنگدانی گشتیی بۆ خولی شەشەمی پەرلەمانی عێراق لە هەرێمی کوردستان و تەواوی عێراق بەڕێوەچوو، لەدوای ڕاگەیاندنی ئەنجامەکانیشەوە براوەکانی هەڵبژاردن بۆ پێکهێنانی حکومەتی نوێ گەڕی دانوستانەکانیان دەستپێدەکەنەوە. 

پەیامی فەرمی: هەوراز گوڵپی ئەستێرەی دیاری ئاڤا میدیا لە گەشتی هەواڵەکانی سەعات حەوتی ئاڤا باسی لەوەکرد: شوکر ئەوە کێشەی ئاو و کارەبا نەما لە کوردستان، پڕۆژەی خزمەتگوزاریش لە زۆربەی بوارەکان بەردەوامن و وا جێبەجێ دەکرێن، ئەوەی ماوەتەوە کێشەی مووچەیە، ئەویش دەبێت لەم حکومەتەدا چارەسەر بکرێت.

- زەرورە، تەعامولی چەند ساڵی ڕابردووی حکومەتی عێراق لەگەڵ هەرێمی کوردستان بووبێتە ئەزموونێکی باش و دووبارە نەبێتەوە.

- ئێستا کورسی و هێزتان هەیە و لەبەغدا حسابتان بۆ ئەکرێ، سەرەتا پشتیوانی لایەنێک و شەخسێک بکەن بۆ پێکهێنانی حکومەت و ببێتە سەرۆکوەزیران و دوای ماوەیەک کابرا پابەندی ڕێکەوتنەکان نەبێ و مامەڵەی خراپ بێت لەگەڵ هەرێمی کوردستان.

هاووڵاتی کوردستان بە هاووڵاتی دەرەجە دوو تەماشا بکا، ئەبێ، ئەمجارە لەهەمو جارەکانی تر، جددی و شەفاف بن، مەرج و داوکارییتان هەبێ، هەر کەسێک دێتە سەر حوکم و پۆستی سەرۆکوەزیران وەردەگرێت، گرەنتی لێوەربگرن، نابێ هەڵەکانی حکومەتەکانی ڕابردووی عێراق دووبارە بکاتەوە.

- گرەنتی لێوەربگرن، پاش ماوەیەکی تر لەخۆی نەگۆڕێ و  ڕێککەوتنەکان پێشێل بکا، گرەنتی لێوەربگرن، بودجە بنێرێ نەک هەرمانگەو تۆزێک پارە، یان هەر نەینێرێ و دەسی دەسیپێبکات.

- پشتیووانی هەرکەسێک دەکەن بۆ پۆستی سەرۆکوەزیران، دەبێ گرەنتی ئەوەی لێوەربگرن وەکو هاووڵاتی دەرەجە دوو تەماشای هاوڵاتیانی کوردستان نەکا، گرەنتی لێوەربگیرێ، دەستوور وەکو خۆی جێبەجێ بکات، گرەنتی لێوەربگیرێ، ئەو زوڵم و ستەمەی لە خەڵکی ناوچە کوردستانییەکانی دەرەوەی ئیدارەی هەرێمی کوردستان دەکرێت، بەتایبەتی لە سنووری کەرکووک، نەمێنێ.

- ئینجا خەڵکێکی باش و بەجورئەت بنێرنە بەغدا لەناو حکومەتا بەجددی لەسەر مافەکانی خەڵکی کوردستان هەڵوەستە بکا.