باندێكی بازرگانیكردن بە ماددەی هۆشبەر لە دهۆك دەستگیر كران

ئاڤا نیوز

باندێكی بڵاوكردنەوە و مامەڵەكردن بە ماددەی هۆشبەر لە دهۆك دەستگیر كران و  لە زیاتر لە 10 تۆمەتبار پێكهاتوون.

لێدوانی فەرمی: سەرچاوەیەكی تایبەت بە ئاڤا میدیای ڕاگەیاند، تیمەكانی بەڕێوەبەرایەتیی نەهێشتنی ماددەی هۆشبەر لە پارێزگای دهۆك بەهەماهەنگی لەگەڵ هێزە ئەمنییەكان، لە ئۆپەراسیۆنێكدا لە دوو شەوی ڕابردوودا گرووپێكی بازرگانیكردن بە ماددەی هۆشبەریان لە سەنتەری شاری دهۆك دەستگیر كردووە.

زانیاریی زیاتر: باندەكە لە زیاتر لە 10 تۆمەتبار پێكهاتوون، ماوەیەكە سەرقاڵی فرۆشتن و بڵاوكردنەوەی ماددەیەكی ترسناكی هۆشبەرن بەنێو گەنجاندا. دوای دەستگیركردنیان پەڕاوی لێكۆڵینەوەیان بۆ كراوەتەوە و دانیان بە تاوانەكەیان ناوە.