کەی ئەندام پەرلەمان مافی سوێندخواردنی یاسایی نامێنێت؟

ئاڤا نیوز

 

بەگوێرەی ماددەیەکی پەیڕەوی ناوخۆی پەرلەمانی کوردستان، پێویستە ئەندامانی پەرلەمان لە ماوەی 30 ڕۆژدا سوێندی یاسایی بۆ دەستبەکاربوون وەک ئەندامی پەرلەمان بخۆن.

 

وێنە گەورەکە: وا بریارە ڕۆژی دووشەممەی داهاتوو 2-12-2024، یەکەم دانیشتنی پەرلەمانی کوردستان بەڕێوە بچێت، بەگوێرەی هەمواری پەیڕەوی ناوخۆی پەرلەمانی کوردستان کە خۆی لە 126 ماددەدا دەبینێتەوە، لە ماددەی 13 باسی ئەندامێتی لە پەرلەمان و کۆتا کاتی سوێندخواردنی ئەندامەکان دەکات.

 

لەلایەکی دیکەوە: بەگوێرەی بڕگەی یەکەمی ماددەی 13 لە پەیڕەوی ناوخۆی پەرلەمان، لە ڕێکەوتی سوێندخواردنی یاساییەوە کاندیدی هەڵبژێردراو دەبێتە ئەندام و بەدەستبەکار دەبێت،هاوکات گشت مافێکی ئەندامێکی دەبێت و هەموو ئەرکەکانی ئەندامێتیی دەکەوێتەوە ئەستۆ.

 

ئەوەی پێویستە بیزانیت: بەگوێرەی بڕگەی دووەمی هەمان هەمان ماددە ، "ئەگەر کاندیدی هەڵبژێردراو بەبێ پاساوی ڕەوا لە دانیشتنی یەکەمەوە، بۆ ماوەی 30 ڕۆژ سوێندی یاسایی نەخوات، مافی سوێندخواردنی یاسایی نامێنێت".