پرۆژەی ئاوی خواردنەوە بۆ 14 گوندی سنووری خەلیفان جێبەجێ دەکرێت

ئاڤا نیوز

 

پرۆژەی ئاوی خواردنەوە لە گوندەکانی سنووری قەزای خەلیفان جێبەجێ دەکرێت، قایمقامی قەزاکەش ئاماژە بەوە دەکات "تێچووی پرۆژەکان زیاتر لە دوو ملیار دینارە".

 

چیرۆکی سەرەکی: بەهۆی نەبوونی ئاوی خواردنەوە، بەشێک لە گوندەکانی سنووری قەزای خەلیفان بە تانکەر ئاویان بۆ دەگوازرایەوە، ئەوەش دانیشتووانی ئەو گوندانەی نیگەران کردبوو، بەڵام لە کابینەی نۆی حکومەتی هەرێمی کوردستان بڕیاردرا خزمەتگوزاری ئاوی خواردنەوە بۆ ئەو گوندانە دابین بکرێت.

 

لێدوانی فەرمی: مەغدید عەریف حەمە، قایمقامی قەزای خەلیفان بە ئاڤا نیوزی ڕاگەیاند: 14 گوندی سنوورەکە لەبەر بێ ئاوی بە تەنکەر ئاویان بۆ دەگوازرایەوە، لەوانە گوندەکانی کانی کۆلک، گۆرز، لێڕەمیر، دەربەندۆک، زەردەگۆم.

 

زانیاری زیاتر: حکومەتی هەرێمی کوردستان پڕۆژەی ئاوی خواردنەوە بۆ بەشێک لەو گوندانە جێبەجێ دەکات، ئێستا بەشێك لە پرۆژەکان تەواوکراون و بەشێکی دیکەش لە ساڵی 2025 تەواو دەبن.

 

ئەوەی پێویستە بیزانیت: تێچووی پرۆژەکان دوو ملیار و 750 ملیۆن دینارە.