هەفتەی داهاتوو شەپۆلێکی بارانبارین ڕوو لە کوردستان دەکات

ئاڤا نیوز

 

شێخ دارا، پێشکەشکاری کەشوهەوای ئاڤا ڕایدەگەیێنێت: پێشبینی دەکرێت لە سەرەتای هەفتەی داهاتوو دا بارانبارین دەست پی بکات.
 
وێنە گەورەکە: ماوەی دوو هەفتەیە شەپۆلێکی سەرما لە جەمسەری باکوور، ڕۆژهەڵاتی ناوەڕاست و هەرێمی کوردستانی گرتووەتەوە، هاوکات پلەکانی گەرما لە هەندێک شوێنی هەرێمی کوردستان بەرز بووەتەوە.

 

لێدوانی فەرمی: شێخ دارا، شارەزا و پێشکەشکاری کەشوهەوای ئاڤا میدیا لە گەشتی هەواڵەکانی کاتژمێر 07:00 ڕایگەیاند، " کاریگەریی شەپۆلەکانی جەمسەری باکوور لەسەر ناوچەکە ماوە و بەرزترین پلەی گەرما لە 6 پلە تاوەکو 14 پلە تۆمارکراوە، نزمترین پلەش لە شەش پلەی ژێر سفرەوە تاوەکو هەشت پلە تۆمار کراوە.

 

ئەمەش بزانە: شێخ دارا دەڵێت: لە دوای نیوەڕۆی ڕۆژی سێشەممەوە، شەپۆلێک هەرێمی کوردستان دەگرێتەوە و پلەکانی گەرما لە 14 بۆ 16 بەرز دەبنەوە، هاوکات لە سەرەتای هەفتەی داهاتووە کاریگەریی شەپۆلێکی بارانبارین دەست پێ بکات.