تره‌مپ به‌رده‌وامه‌ له‌ هێرشه‌كانى بۆ سه‌ر بایدن

ئاڤا نیوز

دۆناڵد ترەمپ، سەرۆکی ئەمریکا ، جارێکی تر بە شێوازە تەنزئامێزە تایبەتەکەی خۆی، گاڵتە بە جۆ بایدن، سەرۆکی پێشووی ئەمریکا دەکات و باس لە گەشتەکانی بۆ کەنار دەریاکان دەکات. ئەم قسانەی ترەمپ لە کاتی کۆنفرانسێکی ڕۆژنامەوانیدا هات، کە لەتەنیشت سەرۆکی ئەرجەنتینەوە وەستابوو.

زانیاریی بەدەستهاتوو: ڕۆژنامەنووسێک پرسیاری لە ترەمپ دەکات ئایا سەردانی ئەرجەنتین دەکات، ترەمپ بە شێوازێکی گاڵتەجاڕانە وەڵامی دایەوە: "وەڵا کاتم نییە، کاتم هەبوایە حەزم دەکرد وەک بایدن منیش بچم بۆ کەنار دەریاکانی ئەرجەنتین، خۆم چەور بکەم و خۆم بخەمە بەر ئەو خۆرە و لەناو لمدا یاری بکەم."

لێدوانی فەرمی: ترەمپ گوتی: "بایدن دەچوو بۆ ئەو کەنار دەریا، دەکەوت بە سەر دەم، نازانم بۆ." پاشان لەبارەی خۆیەوە وتی: "هەست دەکەم بۆ من گونجاو نییە، لەناو ئەو هەموو خەڵکەدا قاچ و قۆڵم ڕووت بکەم."

لە بەشێکی دیکەی قسەکانیدا، ترەمپ جەختی لە جەستەی خۆی کردەوە بە بەراورد بە بایدن: "من لە بایدن کەڵەگەتترم، پوزم قایمترە. بایدنی دوو چڵە ئێسقان و کیلۆیەک گۆشتی پێوەبوو."

لە کۆتایی قسەکانیشیدا، ترەمپ بە پرسیارێک کۆتایی بە تەنزەکانی هێنا: "بەس پێم بڵێن بایدن چی دەکرد لە کەنار دەریا؟ بەردەوام لەوێ بوو، داڵغەی لێدەدا."