دوای لێدوانەکەی ترمپ؛ مالیکی و هەڵسوڕێنەری باڵیۆزخانەی ئەمریکا کۆدەبنەوە

ئاڤا نیوز

ئێوارەی ئەمڕۆ هەینی، نووری مالیکی، کاندیدی هاوپەیمانیی چوارچێوەی هەماهەنگی بۆ پۆستی سەرۆکوەزیران لەگەڵ جۆشوا هاریس، هەڵسوڕێنەری باڵیۆزخانەی ئەمریکا لە بەغدا کۆبووەوە و تاتوتوێی پرسی پێکهێنانی حکومەتی نوێی عێراقیان کرد.

ڕاگەیێنراوی فەرمی: نووسینگەی ڕاگەیاندنی نووری مالیکی، سەرۆکی هاوپەیمانیی دەوڵەتی یاسا ڕایگەیاند: لە کۆبوونەوەکەدا هەردوولا تیشکیان خستەسەر گفتوگۆکانی نێوان هێزە سیاسییەکان سەبارەت بە پرسی پێکهێنانی سەرۆکایتییەکانی کۆمار و ئەنجوومەنی وەزیران و دیدگای چوارچێوەی هەماهەنگی بۆ حکومەتی داهاتوو تاوتوێ کرا.

باکگراوند: لێدوانەکەی ترەمپ کاردانەوەی زۆری لایەنە شیعەکانی بەدوای خۆیدا هێنا و زۆربەی لایەنەکانی چوارچێوەی هەماهەنگی دژی ئەو هەڵوێستەی سەرۆکی ئەمریکا وەستانەوە هاوکات مالیکی ڕایگەیاند، پاشەکشە ناکات و بەردەوام دەبێت لەخۆ کاندیدکردن بۆ پۆستی سەرۆکوەزیران.