نرخی زێڕ و زیو بەڕێژەیەکی بەرچاو دابەزین

ئاڤا نیوز

ڕۆژی هەینی، بازاڕە داراییەکانی جیهان گۆڕانکاریی گەورەیان بەخۆوە بینی. دوای ئەوەی دۆناڵد ترەمپ بە فەرمی کیڤن وارشی بۆ پۆستی سەرۆکی بانکی ناوەندی (Fed) کاندید کرد.

ژمارەکان وا دەڵێن: نرخی زێڕ زیاتر لە 8% دابەزی و گەیشتە 4 هەزار و 840 دۆلار بۆ هەر ئۆنسەیەک، ئەمەش دوای ئەوەی ڕۆژی پێنجشەممە ژمارەیەکی پێوانەیی تۆمار کردبوو و گەیشتبووە 5 هەزار و 595 دۆلار، زیویش بە ڕێژەی 20%  دابەزی و لە 120 دۆلارەوە هاتە خوارەوە بۆ 82 دۆلار بۆ هەر ئۆنسەیەک.

کاردانەوەکان: وەبەرهێنەرانی جیهان دڵخۆشن بە کاندیدکردنی وارش، چونکە هیوایەکی بۆ گەڕاندوونەتەوە کە بانکی ناوەندی سەربەخۆیی خۆی بپارێزێت و نەکەوێتە ژێر کاریگەریی سیاسیی تووندی ترەمپ، ئەمەش مەترسیی هەڵئاوسانی کەم کردووەتەوە.

لەلایەکی دیکەوە: نرخی نەوتی برێنت گەیشتووەتە بەرزترین ئاستی خۆی لە 6  مانگی ڕابردوودا، ئەمەش بەهۆی هەڕەشە سەربازییەکانی ترەمپ بۆ سەر ئێران و جوڵاندنی کەشتییە جەنگییەکان لە ناوچەکەدا.

لە هەمانکاتدا بازاڕەکانی ئاسیا و ئەمریکا بەهۆی خەرجییە زۆرەکانی کۆمپانیاکانی وەک  Microsoft  لەسەر ژیریی دەستکرد، تووشی جۆرێک لە دڵەراوکێ بوون.