تەرمی ئەحمەد کەرکووکی گەیشتەوە و لە دهۆک بە گوڵ پێشوازی لێ کرا

ئاڤا نیوز

ئێوارەی ئەمڕۆ تەرمی ئەحمەد هێمن ناسراو بە ئەحمەد کەرکووکی کە چەند ڕۆژێک بەر لە ئێستا لە ڕۆژئاوای کوردستان شەهید بوو گەیشتەوە دهۆک و ئێستا لە ڕێگایە بەرەو هەولێر, بڕیارە سبەی لە کەرکووک بە خاک بسپێردرێت.

چیرۆکی سەرەکی: گەنجێکی شاری کەرکووک بەناوی ئەحمەد هێمن تەمەن 23 ساڵان، بە ئامانجی بەرگریکردن و پشتیوانی لە کوردانی ڕۆژئاوا چوو بۆ حەسەکە، دوای 10 ڕۆژ لە گەیشتنی  شەهیدکرا.

زانیاریی پەیامنێر: بەپێی زانیارییەکانی ئارام جەمال، پەیامنێری ئاڤا لە کەرکووک، ئەمشەو تەرمەکە لە دهۆکەوە دەگاتەوە هەولێر و دەبرێتە پزیشکی دادی هەولێر، سبەی دەبرێتەوە کەرکووک، لە هۆڵی کاکەڕەش بە ئامادەبوونی کەسوکاری و خەڵکی هەولێر و بەرپرسان دوای خوێندنەوەی وتارێک لەلایەن کەسوکارییەوە لە مەراسیمێکی شایستەدا لە گۆڕستانی ڕەحیماوە بەخاک دەسپێردرێت.