ترەمپ سەرۆکی نوێی بانکی ناوەندیی ئەمریکا دەستنیشان دەکات

ئاڤا نیوز

دوای چاوەڕوانییەکی زۆری ناسەقامگیری بازاڕە داراییەکان لە چاوەڕوانی زانینی جێگرەوەی جێرۆم پاوڵ، ئەمڕۆ هەینی، سەرۆکی ئەمریکا، کیڤن وارشـی وەک کاندید بۆ وەرگرتنی پۆستی سەرۆکی بانکی ناوەندی دەستنیشان کرد.

بڵاوکراوەی فەرمی: ترەمپ لە پلاتفۆرمی تروس سۆشیال نووسیویەتی، "ماوەیەکی زۆرە کیڤن دەناسم، گومانم نییە کە دەبێتە یەکێک لە باشترین سەرۆکەکانی بانکی ناوەندیی.

ئەوەی پێویستە بیزانیت: ماوەی سەرۆکایەتیی جێرۆم پاوڵ، سەرۆکی ئێستا بانکی ناوەندی لە مانگی ئایاری ئەمساڵ کۆتایی دێت. ترەمپ لە ڕابردوودا چەندین جار ڕەخنەی تووندی لە پاوڵ گرتبوو بەوەی کە سووی بانکی بە خێرایی کەم نەکردووەتەوە.

زانیاریی زیاتر: کیڤن وارش توانی لە کێبڕکێی نێوان چوار کاندیدی سەرەکیدا سەرکەوێت، کە بریتی بوون لە کریستۆفەر واڵەر، ڕیک ڕایدەر، و کیڤن هاسێت.

دوای کۆتایی هاتنی وادەی جێرۆم پاوڵ، ڕێکارەکانی دەستبەکاربوونی کیڤن ئەوەیە، بچێتە بەردەم ئەنجوومەنی پیرانی ئەمریکا و لەوێ متمانە وەربگرێت.