ئەمریکا پشتیوانی لە ڕێککەوتنی نێوان هەسەدە و حکومەتی سووریا دەکات

ئاڤا نیوز

وەزارەتی دەرەوەی ئەمریکا لەبارەی ڕێککەوتنی نێوان هەسەدە و حکومەتی سووریا ڕاگەیێنراوێکی بڵاوکردەوە. وەزارەتی دەرەوەی ئەمریکا ڕایگەیاندووە، بەردەوام دەبین لە پشتیوانی کردنی سەرکەوتووانەی جێبەجێکردنی ڕێککەوتننامەی مێژوویی نێوان هەسەدە و حکومەتی سووریا.

چیرۆکی سەرەکی: ئەمڕۆ هەینی، هەسەدە و حکومەتی سووریا ڕێککەوتنێکی گشتگیریان ڕاگەیاند، بەگوێرەی ڕێککەوتنەکە هێزە چەکدارەکان لە هێڵی پێشەوەی شەڕ دەکشێنەوە و هێزەکانی ئاسایشی ناوخۆ دەچنە هەردوو شاری حەسەکە و قامیشلۆ.

ڕاگەیێنراوی فەرمی: وەزارەتی دەرەوەی ئەمریکا ڕایگەیاندووە، "لە نزیکەوە بەردەوام دەبین لە هاوکاریکردنی هەموو لایەنەکان بۆ خێراترکردنی پرۆسەی تێکەڵبوون. ئەم ڕێککەوتنە یەکگرتوویی و سەرەوەری و سەقامگیری سووریا بەهێز دەکات، بۆ سوود و قازانجی هەموو گەلانی سووریایە.

وەزارەتی دەرەوەی ئەمریکا ئەوەشی ڕایگەیاندووە، لەگەڵ وڵاتانی هاوپەیمان، ئامادەین دڵنیایی بدەین لەوەی ئەم پرۆسەیە بە شێوەیەکی ئاشتیانە و بە سەرکەوتوویی بەڕێوەبچێت. ئەمەش لە پێناو گەیشتن بە ئاشتی هەمیشەیی لە ڕۆژهەڵاتی ناوەڕاست. هەر بۆیە چاوەڕێی داهاتوویەکی ڕووناکتر بۆ سووریا و هەموو ناوچەکە دەکەین.