پەرلەمان ڕۆژی یەکشەممەی دیاریکرد بۆ هەڵبژاردنی سەرۆککۆمار

ئاڤا نیوز

سەرۆکایەتیی پەرلەمانی عێراق ڕۆژی یەکشەممە 01-02-2026 بۆ دانیشتنی هەڵبژاردنی سەرۆککۆمار دیاریی کرد.

ڕاگەیێنراوی فەرمی: نووسینگەی ڕاگەیاندنی پەرلەمانی عێراق ڕایگەیاند، ڕۆژی یەکشەممە 01-02-2026، کاتژمێر 11:00ـی بەیانی دانیشتنی هەڵبژاردنی سەرۆککۆمار دەستپێدەکات.

ئەوەی پێویستە بیزانیت: سەرۆکایەتیی پەرلەمان ڕۆژی 27ـی ئەم مانگەی بۆ هەڵبژاردنی سەرۆککۆماری نوێی دیاریی کردبوو، بەڵام لەسەر لەسەر داوای پارتی و یەکێتی بڕیاریدا دانیشتنەکە هەڵگیرێت.

باکگراوند: بەپێی عورفی سیاسی لە عێراقی نوێ پۆستەکە پشکی کوردە، بەڵام 18 کاندید لە پێکهاتە جۆراوجۆرەکان خۆیان کاندید کردووە و لەگەڵ ئەوەشدا کێبڕکێ بەهێزەکە لەنێوان فوئاد حوسێن، کاندیدی پارتی دیموکراتی کوردستان و نزار ئامێدی، کاندیدی یەکێتی نیشتمانییە.