سەرۆکوەزیران بارزانی پیرۆزیایی جەژنی ڕۆژوو لە ئێزدییەکان دەکات

ئاڤا نیوز

 

سەرۆکوەزیران، مەسرور بارزانی بە بۆنەی جەژنی ڕۆژووی ئێزدییەکان پەیامێکی پیرۆزبایی ئاراستەی هاووڵاتییانی ئێزدی لە کوردستان و جیهان دەکات.

 

ڕاگەیێنراوی فەرمی: سەرۆکوەزیران، مەسرور بارزانی ڕایگەیاند:

- حکومەتی هەرێمی کوردستان خزمەتکردنی خوشک و برایانی ئێزدی و هەموو چین و تو‌ێژەکانی کۆمەڵگەی کوردستان بە ئەرکی سەرەکی خۆی دەزانێت و پابەندبوونی خۆی بۆ بەهێزکردنی کولتووری پێکەوەژیان دووپات دەکاتەوە.

 

-هیوادارم بە خێر و خۆشی و ئارامی ڕۆژانی جەژن بەسەر بەرن.

 

ئەوەی پێویستە بیزانیت: ئێزدییەکان لە شەنگال هەفتەی یەکەمی کانوونی یەکەمی هەموو ساڵێک بەڕۆژوو دەبن و ناوی لێدەنێن "ڕۆژووی فەقیران" و ئێزدیەکانی شێخان و لالش هەفتەی دووەمی مانگی کانوونی یەکەم دەست بە ڕۆژوو دەکەن و ناویان لێناوە "ڕۆژووی بابە شێخ".