مەسرور بارزانی: کێشەی ئەمریکا و ئێران شەڕی ئێمە نییە

ئاڤا نیوز

مەسرور بارزانی، سەرۆکوەزیرانی هەرێمی کوردستان ڕایگەیاند، هەرێمی کوردستان نابێتە بەشێک لە ناکۆکییەکانی نێوان ئەمریکا و ئێران و هەوڵدەدات خۆی لە هەر پێکدادانێکی ئەگەری بەدوور بگرێت.

چیرۆکی سەرەکی: مەسرور بارزانی لە دیمانەیەکیدا لەگەڵ ئاژانسی "The National" هەڵوێستی هەرێمی کوردستان سەبارەت بە ناکۆکییەکانی نێوان ئێران و ئەمریکا ڕوون دەکاتەوە و دەڵێت: هەرێمی کوردستان نایەوێت ببێتە بەشێک لەو ناکۆکییانە.

زانیاریی زیاتر: هەر لەو دیدارەدا سەرۆکوەزیرانی کوردستان ئەوە ڕوون دەکاتەوە کە هەرێمی کوردستان لەگەڵ ئێران و ئەمریکا پەیوەندیی هەیە و دەیەوێت لە کێشەکانی ئەوان بە دوور بێت. هیوادارە ناکۆکییەکانی نێوان ئەو دوو وڵاتە شەڕی لێ نەکەوێتەوە و داواش دەکات ڕێز لە بڕیاری بێلایەنیی هەرێم بگیرێت.

لێدوانی فەرمی: مەسرور بارزانی، سەرۆکوەزیرانی هەرێمی کوردستان ڕایگەیاند: ئێمە هەوڵدەدەین لە کێشەی نێوان ئێران و ئەمریکا بە دوور بین، ئەگەر پێکدادانێکیش ڕوو بدات ئەوا ئێمە هەوڵ دەدەین کوردستان لێ بەدوور بگرین.