وەزارەتی سامانە سروشتییەکان: لە دهۆک %84ـی خێزانەکان نەوتیان وەرگرتووە

ئاڤا نیوز 

 

وەزارەتی سامانە سرووشتییەکان ئاماری پێنج مانگ دابەشکردنی نەوتی سپی بە نرخی پاڵپشتیکراوی حکومی بڵاوکردەوە لە سنووری پارێزگای دهۆک و ئیدارەی سەربەخۆی زاخۆ زیاتر لە 200 هەزار بەرمیل بەسەر خێزانەکاندا دابەشکراوە.

 

وێنە گەورەکە: دووەمین ساڵە لەسەریەک حکومەتی هەرێمی کوردستان پێش هاتنی وەرزی سەرما نەوتی سپی دابەش دەکات، ماوەی پێنج مانگە پرۆسەکە دەستیپێکردووە و لەسنووری پارێزگای دهۆک و ئیدارەی سەربەخۆی زاخۆ %84ـی خێزانەکان نەوتیان وەرگرتووە.

 

ڕاگەیێنراوی فەرمی: بەگوێرەی ڕاگەیێنراوی فەرمی وەزارەتی سامانە سرووشتییەکان، لە دهۆک نزیکەی 40 ملیۆن لیتر نەوتی سپی کە دەکاتە 197 هەزار و 83 بەرمیل نەوت دابەشکراوە و لە زاخۆ نزیکەی 10 هەزار لیتر کە 48 هەزار و 238 بەرمیل نەوت دەکات دابەشکراوە.

 

ئەمەش بزانە: تا ئێستا نزیکەی 250 ملیۆن لیتر نەوتی سپی بەسەر نزیکەی ملیۆنێک و 248 هەزار خێزان لە سەرجەم پارێزگا و ئیدارە سەربەخۆکانی هەرێمی کوردستان دابەش کراوە، کە دەکاتە ڕێژەی 88% کۆی نەوتی دابەشکراو.