چیرۆکە ناخهەژێنەکانی تاوانی ئەنفال هێشتا بەردەوامن

ئاڤا نیوز

 

ژمارەیەک لە کەسوکاری ئەنفالکراوان بۆ هەڵدانەوەی گۆڕێکی بە کۆمەڵ سەردانی بیابانی تەلشێخەیان لە پارێزگای سەماوە لە باشووری عێراق کرد.

وێنە گەورەکە: لە چەند رۆژی رابردوودا ژمارەیەک کەسوکاری ئەنفالکراو سەردانی باشووری عێراقیان کرد بۆ ئاگادار بوون لە هەڵدانەوەی گۆرێکی بە کۆمەڵی ئەو ژن و پیاو و منداڵە بێ تاوانانەی کە لە پرۆسەی ئەنفالدا لە بیابانەکانی پارێزگای سەماوە لەلایەن رژێمی بەعسەوە زیندەبەچاڵکران.

ئەوەی پێویستە بیزانیت: لە ڤیدیۆکەدا پیاوێکی کورد دەرەکەوێ کە بەپێی پەتی لەبیابانی تەلشێخە وەستاوە کە گۆڕێکی بە کۆمەڵی تاوانی ئەنفالی تێدا هەڵدراوەتەوە.

ئەمەش بزانە: ئەم پیاوە ناوی جەلیل کۆکسییە، پێنج خوشک و سێ براو دایکی ئەنفالکراون. لەبەر ڕێز و حورمەتی روفاتی ئەنفالکراوان کە لەژێر لمی بیابانەکانی تەلشێخەدان، بڕیاریدا بە پێڵاوەوە بەسەر لمی بیابانەکەدا نەڕوات و پێڵاوەکانی خستە ژێر قۆڵییەوە.