کاروانێکی دیکەی هاوکارییەکانی ئەڵمانیا دەگاتە دەستی پێشمەرگە

ئاڤا نیوز 

كاروانێكی دیكەی هاوكارییەكانی سوپای ئەڵمانیا ڕادەستی وەزارەتی كاروباری پێشمەرگە و بەڕێوەبەرایەتیی گشتیی میرەی سەربازی كرا.

 

وێنە گەورەكە: ئەڵمانیا لەچوارچێوەی هاوپەیمانیی نێودەوڵەتیی لەدژی داعش، بەشێوەیەكی بەردەوام هاوكاریی هێزەكانی پێشمەرگە دەكات، لەڕێگەی پێشكەشكردنی ڕاوێژكاریی سەربازی بۆ بەرزكردنەوەی توانستی سەربازیی پێشمەرگە و سەركەوتنی پرۆسەی چاكسازی لەم وەزارەتە، لەو چوارچێوەیەشدا ئەمڕۆ پێنجشەممە، بە ئامادەبوونی جێگری سەرۆكی ئەركان بۆ ئیدارە و میرە و فەرماندەی هێزەكانی ئەڵمانیا، كاروانێكی دیكەی هاوكارییەكان ڕادەستی وەزارەتی پێشمەرگە كرا.

 

ڕاگەیێنراوی فەرمی: ماڵپەڕی فەرمی وەزارەتی پێشمەرگە بڵاویكردۆتەوە، بە ئامادەبوونی لیوا روکن هۆشمەند حەیدەر، جێگری سەرۆکی ئەرکان بۆ ئیدارە و میرە، عەمید فەرمان زراری،  جێگری بەڕێوەبەری میرەی گشتی، هاوکارییەکانی سوپای ئەڵمانیا لە لایەن کۆڵۆنێل تۆماس ڕیتەر، فەرماندەی هێزەکانی ئەڵمانیا لە هەرێمی کوردستان، ڕادەستی وەزارەتی کاروباری پێشمەرگە و بەڕێوەبەرایەتیی گشتیی میرەی سەربازی کرا.

زانیاریی زیاتر: ئەو هاوکاری و پێداویستییانەی سوپای ئەڵمانیا، لەلایەن بەڕێوەبەرایەتیی میرەی گشتی، بەسەر بنکەکانی ئەسنادی دهۆک و سلێمانی دابەش دەکرێن.