ئێران: ڕۆژی شەممە لە قوتابخانە و فەرمانگە حکومییەکان دەوام نییە

ئاڤا نیوز

حکومەتی ئێران بەهۆی نەبوونی وزەوە بڕیاریدا قوتابخانە و فەرمانگە حکومییەکان لە تاران و چەند پارێزگایەک دابخات، ئەمەش لەکاتێکدایە وڵاتەکە ڕووبەڕووی قەیرانی کەمیی وزە بووەتەوە.

 

وێنە گەورەکە: ئێران بە وڵاتێکی بەرهەمهێنی گەورەی وزە هەژمار دەکرێت کە بەشێک لە گەورەترین یەدەگی نەوت و گاز لە جیهاندا لەو وڵاتەدایە بەڵام لە چەند هەفتەی ڕابردوودا بەهۆی کەمیی غاز و سووتەمەنی بۆ کارپێکردنی وێستگەکانی کارەبا ناچار بووە بە کەمکردنەوەی بەکارهێنانی کارەبا.

 

زانیاریی زیاتر: بڕیارەکە لە 10 پارێزگای ئێران دراوە کە شارەکانی ڕۆژهەڵاتی کوردستان، مازەندەران و ئەردەبیل، قوم و کرمان دەگرێتەوە.

 

باکگراوند: لە مانگی کانوونی دووەمدا، فەرمانگە حکومییەکان لە تاران بۆ ماوەی چوار ڕۆژ لەسەریەک داخران، بڕیارێک کە زیاتر لە نیوەی پارێزگاکانی ئێرانی گرتەوە، ئەمەش بە مەبەستی پاشەکەوتکردنی وزە، ئێستا تۆڕی کارەبای ئێران بەدەست کەمی وەبەرهێنان لە ژێرخانی وڵاتەکەیدا دەناڵێنێت، ئەمەش بەشێوەیەکی بەرچاو بەهۆی سزاکانی ڕۆژئاواوەیە.